Ég ræð mér vart af kæti! 19.2.2008 verður vonandi minnst í sögubókunum.

 

Til að byrja með langar mig að óska Kristjáni Einari, fjölskyldu hans ásamt öllum þeim sem svo ötullega hafa ýtt vagninum alla þessa leið!! Til hamingju hundraðfalt.

Þetta er sennilega mesta afrek Íslendings fyrr og síðar í akstursíþróttum - svo stórt dæmi að ógerlegt er fyrir flesta að skilja. Á þennan stað kemst enginn nema að hafa fullkominn bakgrunn og þá er verið meina í hæfni, ungan aldur, líkamlegan styrk, óbilandi trú og vilja aðstandenda.

Kristján hefur allt þetta og meira til - þó hann þyki "gamall" þá er ljóst að hæfileikarnir eru gríðarlegir. Þessi drengur er svo ég leyfi mér að nota frasa félaga okkar: "með bensín í blóðinu" enda hefur hann frá því ég man eftir minni fyrstu aðkomu að mótorsporti á Íslandi verið nálægur. Steingrímur Ingason rallkappi ásamt afa Kristjáns tóku púkann með sér á allt mótortengt frá barnsaldri og lá alveg ljóst fyrir hvaða leið þeir ætluðu sér: Að ala af sér þann ökumann Íslands sem nær lengst allra frá upphafi. Þetta er að takast og því fagna ég ógurlega.

Ég vildi óska að ég gæti lagt eitthvað á vogarskálarnar með Kristjáni og co... Heyrðu jú, ég get það! Kristján, þér er boðið skuldbindingalaust ásamt þínum velunnurum í aðstoðarökumannssætið hjá mér - þú keyrir þá varla í eins sætis bíl þannig að mig langar að hræða úr ykkur líftóruna við hentugleika. Svona getur þú endurgoldið bakhjörlum þínum ómetanlega hjálpina við að ná þessum áfanga og ég sýnt samhug minn og gleði í verki :)  Leigjum sérleið í UK eða heima, grillum og keyrum hratt - þeir gleyma því seint ;)

Ef draumar mínir rætast mun Róbert Wessmann hafa haft rangt fyrir sér þegar hann kvaðst ekki líta á stuðning Salt Investments við Kristján sem fjárfestingu - því í draumum mínum hefur Kristján raunhæfa möguleika á að skila verulegum arði ef markmið hans nást.

Til hamingju aftur Kristján - þetta verður seint leikið eftir!

Danni

Kristján Einar ráðinn til bresks formúluliðs