3ja umferð Íslandsmótsins í rallý - úrslit eftir bókinni

Góða kvöldið.

 

Í dag fór fram á Snæfellsnesi þriðja umferð Íslandsmótsins í rallý. Keppendur og aðrir fengu yndislegan dag með sól og blíðu blandaða við takmarkalausa náttúrufegurð í kringum jökul.

 

Úrslit keppninnar voru í takt við þann hraða sem keppendur hafa sýnt í sumar - og merkilegt nokk gekk keppnin nær áfallalaust fyrir sig hjá flestum áhöfnum.

Því fór að loksins náðu Jón Bjarni og Borgar að landa sínum fyrsta sigri í rallakstri - eftir vægast sagt brösótta byrjun á mótinu. Var sigurinn fullkomlega verðskuldaður því þeir sýndu jafnan og góðan akstur alla keppnina. Við óskum þeim sérstaklega til hamingju með daginn.

Rétt tæpri mínutu á eftir þeim komu svo Sigurður og Ísak - en þeir háðu harða baráttu við sigurvegarana framan af keppinni en fataðist svo flugið á leið um Jökulháls þar sem þeir óku útaf og töpuðu nokkrum tíma. Eftir þetta vörðu þeir annað sætið en aðeins rétt svo því Pétur og Heimir sem leiða Íslandsmótið komu aðeins 22sek á eftir þeim eftir fumlausan akstur í dag. Leystu þeir verkefni dagsins með prýði en forysta þeirra er nú sex stig þegar mótið er hálfnað.

Valdi kaldi náði á undraverðan hátt að halda fjórða sætinu eftir ótrúlega margar útafkeyrslur - en bíll hans minnti eftir keppnina frekar á slysaauglýsingu umferðarráðs en hraðskreiðan rallýbíl. Náðist nokkuð skemmtilegt myndefni af lautarferð hans og verður það birt hér á vefnum innan tíðar.

Marri og Ásta enduðu í fimmta sæti - en Ásta leysti Jón Þór af á síðustu mínutu. Olli þetta því að hraði Marra var ekki sá sami og í fyrri tveimur umferðunum - en hann hafði aldrei æft eða ekið með systur sinni áður í keppni. Má því segja að árangur þeirra sé mjög góður þ.e að renna blint í sjóinn og klára keppnina með óskaddaðan bíl (jú, einn útafakstur til að rústa taugum DS )

 

Páll Harðarson og Aðalsteinn sýndu mikil tilþrif á sínum heimaslóðum en sprungið dekk kostaði tíma. Þó voru þeir með öruggt fimmta sætið fyrir síðustu leið keppninnar en gerðu þau ótrúlega klaufalegu mistök að mígandi þjófstarta inn á leiðina - en fyrir slíkt fæst einnar mínútu refsing sem færði Marra og Ástu upp fyrir þá. Enginn vafi er á réttmæti þessara refsingar því vitni voru fjölmörg og þar með talinn rafræn - en fyrst og síðast er þetta klaufalegt hjá Páli og Aðalstein eftir fantaakstur í keppninni.

Aðeins tvær áhafnir féllu úr leik í keppninni. Fyrst fór mótor í toyotu bifreið Hennings án tilefnis. Svo féllu þeir Jóhannes og Björgvin úr leik eftir að afturhjól brotnaði undan Mitsubishi bíl þeirra. Jóhannes hafði þær skýringar að sennilega hefði verið um gamalt þreytubrot í spyrnu komið fram þegar bílllinn lenti harkalega í holu eftir vafasama leiðanótu. Tjónið er þó ekki mikið og er gert ráð fyrir báðum þessum áhöfnum galvöskum í næstu umferð Íslandsmótsins sem fram fer í Skagafirði eftir þrjár vikur.

Gerða - Díana og Tinna fylgdu gamla manninum í dag vopnaðar myndavélum og vídeóvélum - mun vonandi afrakstur þess birtast hér von bráðar.

Bestu þakkir til starfsmanna, keppenda og heimamanna fyrir skemmtilegan dag.

DS

Þriðja umferðin í Íslandsmótinu í rallý næstkomandi laugardag á snæfellsnesi

Góða kvöldið.

Nú um helgina fer fram þriðja umferðin í Íslandsmótinu í rallý og munu rallkappar nú þenja sig á Snæfellsnesinu. Langt er síðan ekið var þarna síðast - en leiðirnar eru víst með því albesta sem hægt er að bjóða upp á fyrir rallakstur.

Keppninni hefur verið stillt upp með það fyrir augum að hægðarleikur sé að keyra úr höfuðborginni á Laugardagsmorgun og ná að horfa á alla keppnina yfir daginn - þannig að mótorsportþyrstir ættu sannarlega að fá eitthvað fyrir sinn snúð renni þeír vestur.

Það eru 16 áhafnir skráðar til leiks og er rásröðin hér að neðan:

Eitthvað verður fjallað nánar um keppnina hér á vefnum á komandi dögum.  

1		Pétur Sigurbjörn Pétursson	IS	Heimir Snær Jónsson	IS	N	Mitsubishi Lancer Evo VI
.	2	3	Sigurður Bragi Guðmundsson	IS	Ísak Guðjónsson	IS	N	MMC Lancer EVO VII
.	3	2	Jón Bjarni Hrólfsson	IS	Borgar Ólafsson	IS	N	MMC Lancer EVO VII
.	4	9	Valdimar Jón Sveinsson	IS	Ingi Mar Jónsson	IS	N	Subaru Impreza prodrive
.	5	18	Marian Sigurðsson	IS	Jón Þór Jónsson	IS	N	MMC Lancer EVO V
.	6	11	Jóhannes V. Gunnarsson	IS	Björgvin Benediktsson	IS	N	MMC Lancer EVO VII
.	7	20	Páll Harðarson	IS	Aðalsteinn Símonarson	IS	N	Subaru Impreza STI
.	8	10	Sigurður Óli Gunnarsson	IS	Hrefna Valgeirsdóttir	IS	N	Toyota celica GT4
.	9	13	Guðmundur Snorri Sigurðsson	IS	Ingimar Loftsson	IS	J12	MMC Pajero Dakar
.	10	21	Gunnar F. Hafsteinsson	IS	Reynir Þór Reynisson	IS	2000	Ford Focus ST 170 R
.	11	23	Henning Ólafsson	IS	Gylfi Guðmundsson	IS	1600	Toyota Corolla
.	12	28	Kjartan M Kjartansson	IS	Ólafur Þór Ólafsson	IS	1600	Toyota Corolla
.	13	29	Ólafur Ingi Ólafsson	IS	Sigurður R. Guðlaugsson	IS	1600	Toyota Corolla
.	14	40	Magnús Þórðarson	IS	Þórður Bragason	IS	1600	Toyota Corolla
.	15	38	Einar Hafsteinn Árnason	IS	Sturla Hólm Jónsson	IS	1600	Nissan Sunny

Vid unnum - ekkert annad!

Goda kvoldid.

Madur er vist farinn ad gera ser grein fyrir thvi nuna ad rallid unnum vid - ekkert getur tekid thad burt eda skyggt a thennan arangur! Ekkert "vann sinn flokk" eda "voru a besta bilnum" neibb, Vid unnum alla stora og litla.

 

 

 I gaer var madur ekkert ad na thessu, beid einhvern veginn eftir slaemum frettum = eda ad thetta vaeri draumur en eftir thvi sem lidur a daginn i dag er thetta ad koma.

Thad er ekkert sma buid ad leggja undir og einhvern veginn tha virdist thad sannast aftur og aftur ad menn uppskera eins og their sa = tho seint se >)

Mesti skuggin var tho ad hafa ekki ykkur = fallega fokid til ad samfagna med mer. Takk fyrir oll skilabodin og simtolin = meina mikils. Elska ykkur fyrir aludina.

Meira a morgun thegar er verd kominn heim

 

Danni

Flóðhestasigur í Mid Wales Stages

Var rétt í þessu að fá sms frá Danna um að hann, yfir flóðhesturinn sjálfur ásamt aðstoðarökumanninum Andrew Sankey hafi borið sigur úr bítum í Mid Wales Stages rallinu !!!

 

Við erum alveg við það að springa úr stolti og bíðum spennt eins og þið hin eftir færslu frá Danna um þessi góðu mál !!

Kveðja Día Rauðka, Ásgeir og Skotta

Mid wales stages - smá æfingakeppni framundan

Góða kvöldið.

 

Eftir langt og strangt frí fara hjólin eitthvað að snúast um næstu helgi - en þá verður haldið til Englands og keppt í einni lítilli keppni. Rallið heitir Mid Wales stages og er í miðwales eins og nafnið gefur óneitanlega til kynna :)

Þetta er 75km löng keppni og er ekið á leiðum sem notaðar eru í Rally GB næstkomandi Desember - en stefnan er að vera með í þeirri umferð heimsmeistarakeppninnar. Kemur þetta rall því til að nýtast vel sem undirbúningur.

Þar sem þetta rall er ekki hluti af meistarakeppninni sem við höfum keppt í - þá verður nú lítið um umfjöllun hér á vefnum um þátttöku okkar - en keppin er nú líka meira hugsuð sem æfingadagur og test á bílnum sem ekki var alveg búinn að jafna sig eftir stóra krassið í vor. Þar sem stefnan er ekki sett á árangur heldur uppsetningar þá mun þaulreyndur og sver Breti: Andrew Sankey, verma aðstoðarökumannssætið - einnig tilraun hvernig gengur að hlusta á útlenskar leiðarnótur lesnar af manni sem þekki hvert tré í Bretlandi með nafni:)

Mynd af jólasveininum til að minna lesendur á að það styttist í jólin

 

 Skemmtilegt er þó að segja frá því að vegna reglna um styrkleika keppnisskírtena þá munum við ræsa númmer 4 af 166 bílum - gjörsamlega út í hött miðað við væntingar okkar um árangur í keppninni en gaman samt :)

 

 

Áhugasamir geta fylgst með slóðinni http://www.newtown-mc.co.uk/ af fréttum og tímum úr rallinu - en það fer fram á Sunnudag.

 Njótið ásta en ekki dyrasíma

 

DS

 

Það verður ekki betri andi í nokkrum félagsskap.

Hæ.

 Í gær tóku sig saman fjórar áhafnir í rallinu og slógu saman í alsherjar veislu í þakklætisskyni fyrir frábæra byrjun á Íslandsmótinu. Mæting var með eindæmum góð (127%) og fóru allir mettir á líkama og sál heim eftir að hafa étið töfrandi lambalundir og kjúklingabringur en öllu var skolað niður með drykkjum frá ,, æ ég man það ekki. Húsráðandi ákvað að slá met í þambkeppni og skilaði hann sér víst ekki úr heita pottinum hjálparlaust fyrir vikið :)  En keppnina vann hann.

Frumsýning á óútkomnu myndbandi um sjálfsásakanir og sálaruppbyggingu sem þeir félagar Pétur og Heimir eiga veg og vanda að - mæltist mjög vel fyrir og hlutu þeir dúndrandi lófatak fyrir leik sinn í þessum dramatíska farsa.

 

 

Mig langar að þakka öllum sem mættu fyrir skemmtilegt kvöld.

 

 Marri og Jónsi, Fylkir og Elvar, Pétur og Heimir, Ásta og Steinunn - takk fyrir veitingarnar - þið eruð snillar.

 

DS

1/3 af Íslandsmótinu í rallý lokið - óvænt staða og ástæður þess.

Nú er tveimur af sex keppnum Íslandsmótsins í rallý lokið og upp er kominn staða sem fáir spáðu fyrir tímabilið. Af pirringi yfir heilsuleysi sínu skellti undirritaður saman nokkrum línum um helstu keppendur í N-grúppunni. Það er von að lesningin verði ekki rangtúlkuð eða sé særandi á nokkurn hátt - þetta er eingöngu sýn þess sem ritar.

Jón og Borgar sem í vor var spáð toppárangri – hafa sýnt mikinn hraða og vel ígrundaðar aksturslínur en lukkan ekki verið þeim hliðholl. Féllu úr vorrallinu sem þeir leiddu með brotinn millikassa og tóku ranga ákvörðun með því að freista þess að keyra Djúpavatn á enda með sprungið framdekk í suðurnesjarallinu – en það kostaði tjón á stýrisbúnaði sem þeir gátu ekki lagað. Þessir strákar hafa hraðann og getuna til að sigra en hafa misst af lestinni með óláni sínu. Vonandi finna þeir fjölina sína í næsta ralli.  

Sigurður og Ísak – Heráætlun þeirra um jafnan og áhættulausan akstur í sumar leit mjög vel út þegar þeir sigruðu vorrallið en óvænt brottfall þeirra í suðurnesjarallinu þar sem olíuleki gerði vart við sig í bílnum breytir stöðunni mikið. Ljóst er að þeir eiga mikinn hraða inni og verður að teljast líklegt að stefnan verði tekinn á fulla ferð í næstu keppnum til að eigja von um Íslandsmeistatitilinn. Þessi áhöfn hefur ævinlega verið seig en spilar stundum mikið á taktík í stað hraða – en þegar þeir sýna hraða eru þeir ósigrandi.  

Pétur og Heimir – mikil bæting á hraða frá fyrstu keppni stendur uppúr hjá þeim. Þetta eru forystusauðirnir á Íslandsmótinu og eiga það fullkomlega skilið. Tvær keppnir búnar og þeir hafa skilað sér í mark í þeim báðum án þess að skráma bílinn svo teljandi sé. Í augnablikinu lítur enginn áhöfn jafn vel út og þeir til að hampa titlinum í haust – en þó er vitað um veika bletti hjá þeim. Pétur er mjög heitur að eðlisfari og getur keppnisskap hans verið bílnum skeinuhætt. Einnig er bíllinn sem þeir aka á gríðarlega mikið notaður og “gamall” í samanburði við keppinautana, bæði þegar kemur að búnaði og aksturseiginleikum – en að sama skapi hefur enginn bíll skilað jafn góðum árangri á Íslandi og þessi Evo 6. Takist Heimi að hemja Pétur og halda honum inn á veginum þá verða þeir Íslandsmeistarar 2008.  

Valdi og Ingi Mar – Mjög spes áhöfn. Ljóst er að þeir hafa viljann og getuna til að keyra betur en flestir aðrir þó stundum vanti þroskann til að hemja sig. Átti t.d hræðilega byrjun á vorrallinu þar sem allt fór úrskeiðis sem hægt var á fyrstu metrunum og mikill tími tapaðist þó rallið hafi verið klárað. Suðurnesjarallið sýndi svo alveg spánýja taktík sem skilaði frábærri niðurstöðu þegar þeir kláruðu í öðru sæti með stráheilan bíl og mjög hraða tíma á sérleiðum. Sannarlega strákar sem geta allt á réttum degi.  

Jóhannes og Björgvin – Víða er talað um þá og vonbrigðin með hraðann sem þeir eru að sýna á nýja bílnum og er sú gagngrýni til þess að gera réttmæt. Þó ætla ég að taka upp hanskann fyrir þá og benda á það sem vitað er: Jói gengur ekki alveg heill til skógar líkamlega og er það sannarlega að hrjá hann. Sást þetta greinilega á stökkunum síðastliðna helgi. Einnig eru þeir á bíl sem étur malbik, kostar helling af peningum og krefst þess að hann sé keyrður fulla ferð. Meðan áhöfnin treystir sér ekki fulla ferð þá hægir það enn meira á en góðu hófi gegnir því bíllinn er þungur og viljugur. Þeir bera sig vel eins karlmanna er siður og hafa gert meira en margir aðrir með því að klára báðar keppnir sumarsins án þess að sjáist á bílnum eða buddunni. Ég trúi því að sígandi lukku sé best að stýra og að þeir bæti hraðann með hverjum kílómetranum sem líður á sumarið.  

Marían og Jón Þór. Humm, öllum að óvörum og sennilega þeim sjálfum einna mest hafa þeir keyrt sig í annað sætið á Íslandsmótinu í sínum fyrstu keppnum á 4x4 bíl saman. Það undarlegasta við þetta allt er sú staðreynd að undirbúningur þeirra, leiðarskoðanir og búnaður hefur verið í þvílíku lágmarki að það jaðrar við að vera skammarlegt. Skástu dekkin sem þeir kepptu á allt síðasta og þarsíðasta rall eru svo slæm að undirritaður myndi ekki nota þau á bryggjupolla en þrátt fyrir þetta eru þeir að bæta þetta allt upp með fantagóðum akstri og grimmd sem hefur ekki sést lengi á Íslandi. Munu flugmyndirnar af EVO 5 bílnum eflaust lifa lengi í albúmum sannra ralláhugamanna. Keppinautar þeirra mega sennilega þakka fyrir að þeir eru bara með upp á gamanið og hugðu ekki á stóra landvinninga þetta sumarið – hvað sem svo gerist í framhaldinu. 

Fylkir og Elvar – ekki ósvipaðir og ofanritaðir nema á mun betri bíl. Þeir eru að skila sér í mark aftur og aftur með eljunni og gleðinni enda hafa þeir gefið það út að þeir séu ekki að keppa heldur að leika sér. Meðan undirbúningurinn hjá þeim verður jafn lítill og raun ber vitni þá blanda þeir sér ekki í toppbaráttuna en seiglan hefur skilað þeim langt áður og mun eflast gera það í sumar þar sem þeir keppa.  

Páll og Aðalsteinn – Ég er ekki frá því að þeir geti farið andskoti nálægt toppnum seinni part sumars ef þeir hanga á veginum. Páll er að koma tilbaka í sportið eftir áralanga fjarveru og fékk ærlega á baukinn í fyrstu keppni sumarsins þegar hann velti fína bílnum. Töluvert agaðri akstur og rólegri skilaði þeim í mark í suðurnesjakeppninni og sjálfstraustið jókst jafnt og þétt. Verður spennandi að sjá þennan bíl keyra þegar áhöfnin er búinn að ná fullum tökum á honum.  

Siggi og Elsa – Ég gefst ekki upp á að dást að þeim fyrir að mæta alltaf, klára alltaf og brosa ALLTAF. Seiglan og samlyndið er öðrum til eftirbreytni. Ekki gera mistök því þau gera þau ekki og hirða brosandi stigin sem í boði eru fyrir fumlausan akstur.

Nú er bara að vona að Gerða okkar yndislega myndskreyti þetta raus og bæti þannig fyrir orðaflauminn.

DS

Pétur og Heimir sigra í 2. umferð Íslandsmótsins í Rallý

Hellú,

 Langar að óska öllum vinningshöfum og þá sérstaklega Pétri og Heimi innilega til hamingju með sigurinn - en þeir voru að enda við að vinna suðurnesjarallið :)

Valdimar og Ingi Mar náðu að hanga á öðru sætinu eftir harða baráttu við Marían og Jón Þór sem enduðu í þriðja sæti.

Mögnum staða er kominn upp á Íslandsmótinu þar sem nýliðiðarnir eru búnir að skjóta "stóru köllunum" ref fyrir rass. Pétur leiðir mótið og marri er í öðru - en báðar þessar áhafnir eru í sinni annari keppni á 4x4 bíl. Stórglæsilegur árangur vægast sagt.

 Meira síðar.

DS

 

Tvær leiðir eftir - Jón og Borgar hættir keppni. Bakaradrengur leiðir rallið!

Já - Pétur er að stefna hraðbyri á sigur í rallinu - aðeins hans önnur keppni á gamla bíl Flóðhestanna og bílnum greinilega leiðst að "hanga" í öðru sætinu og tekur nú stöðu sína á toppnum!

 Ef þetta verða úrslitin þá er ljóst að Pétur og Heimir / Marri og Jónsi eru komnir í frábær mál á Íslandsmótinu..

 

Núna er staðan svona :

1Pétur og heimir - 2Valdi og Ingi - 3Marri og Jónsi en mjótt er á mununum milli 2 og 3

 

Pétur og Heimir á Mitsubishi EVO 6

Staðan þegar rallið er hálfnað - ógeðslega spennandi

Hæ.

Stal þessari mynd hjá Steina Palla - talandi um að leggja sig alla í að ná góðum myndum :) Knús til Gerðu sem er módelið á þessari mynd.

 

 

Siggi og Ísak duttu út á ísólfsskála - Djúpavatn með bilaðan mótor.

Ásta og Steinunn veltu illa á sömu leið og eru úr leik.

Valdimar keyrði hratt og tók góðan tíma af Marra og Jón þór - allt í járnum þar.

Jón og Borgar sprengdu eða misstu stýrisenda á annari ferð um Djúpavatn og Pétur og Heimir tóku forystuna - en skemmdu þó bíl sinn við að taka framúr Jóni og Borgari sem kláruðu leiðina en ekki er vitað um framhaldið þar.

 Þá held ég að þegar eitt djúpavatn, rallýkrossbraut og tvö nikker eru eftir að staðan sé nokkurn vegin svona

Pétur og heimir

Jon og Borgar plús 1 mín

Marri og Jónsi plús 30 sek

Valdi og Ingi Mar plús 5 sek

Fylkir og Elvar