Rally Reykjavík - stórglæsileg keppni þrátt fyrir að Bretar hafi hirt sigurinn.

Góðan daginn.

 Dagana 13-15 ágúst fór fram 30. alþjóðarallið á Íslandi og var keppnin hin glæsilegasta í alla staði á stórafmælinu. 27 áhafnir hófu keppni og hafa sennilega aldrei fleirri klárað keppnina því aðeins þrjár áhafnir urðu að játa sig sigraða í hinu erfiða og langa ralli.

Við Flóðhestar mættum með fimm bíla og leit lengi vel út fyrir að allir kæmust heilir heim, en því miður urðu Alli og Heimir að hætta úr sjötta sætinu - eftir stórkostlegar framfarir stanslaust allt rallið -þegar millikassin gaf upp öndina á síðasta leiðarhluta. En mikið var gaman að fylgjast með þeim félögum brosa og skemmta sér stanslaust - og verður að teljast með miklum ólíkindum hvað hraðinn er fljótur að koma hjá þeim en eins og flestir vita hefur Aðalsteinn aðeins ekið um 500km á sérleiðum um ævina með þessari keppni meðtaldri. Alveg ljóst að þeir verða komnir í topp fimm á næsta ári.

Ásta og Tinna fóru öfugum megin framúr á fimmtudag og lögðu af stað inn á fyrstu leið rallsins með horn og hala. Eftir um 10km akstur voru þær búnar að taka rosalegan tíma af keppinautum sínum og ljóst að verið var að keyra hraðar en þurfti og bíllin þoldi. Þetta varð til þess að bremsur stiknuðu og á annari leið brást þeim bogalistin og þær óku útaf með gríðarlegu tímatapi. Að endingu komst bíllinn aftur upp á veg en rallið var búið fyrir þær nema að keppinautar þeirra myndu lenda í svipuðum hremmingjum - en sú varð ekki raunin. Þær kláruðu þó alla keppnina með pomp og pragt - en forysta þeirra á Íslandsmótinu er orðin ansi tæp.

Marri og Jónsi voru haltir - en Jónsi lét klippa utan af sér gips daginn fyrir rallið og var því varið rólega í keppninni. Þeir luku keppni í fjórða sæti jeppaflokks og mega voru sáttir við verk helgarinnar.

Stuart Jones og Ísak Guðjónsson fengu nýja bíl undirritaðs lánaðan í keppnina og skiluðu honum í mark átta mínutum á undan næsta bíl - stórglæsileg framistaða og verðskuldaður sigur í alla staði. Ekki hefur Breta áður tekist að sigra þessa keppni og raunar hafa erlendir keppendur yfirleitt ekki riðið feitum hesti frá henni hingað til. Smávægilegur bruni undir vélarhlíf bílsins endaði þó næstum keppnina hjá þeim - en sem betur fer náðist að leysa það vandamál og var sigrinum aldrei ógnað eftir það.

Mick Jones, pabbi Stuarts ók evo 5 lánsbíl undirritaðs og þurfti hann að keyra allt rallið nótulaust og án þess að skoða leiðir. Fimmta sætið var okkar - og síðast en ekki síst mikil gleði og hlátur. Alveg dæmalaust rugl er að sitja farþegamegin í bíl og verður það ekki endurtekið af undirrituðum í bráð.

 

Keppnishaldarar, starfsmenn, keppinautar, servicemenn og konur, eldabuskurnar okkar, ljósmyndarar, áhorfendur og áhugamenn fá endalausar þakkir fyrir aðkomu sína að keppninni. Nýkrýndir Íslandsmeistarar Jón og Sæmundur fá haminjuóskir fyrir áfangan og verðskuldaðan titil.

Myndir frá okkar dásamlega ljósmyndaflóðhest Gerðu eru farnar að streyma inn í albúmin - en hún varð fyrir þeirri óskemmtilegu lífsreynslu að verða nærri fyrir keppnisbíl í rallinu sem missti stjórn á sér. Hugur okkar liggur hjá Gerðu og vonir okkar um að hún og myndavélin hennar nái skjótum bata og að þau sjáist galvösk í næstu keppni.

Kveðja / Danni

 

Athugasemdir

[Gerða (IP-tala skráð) 27.8.2009 kl. 00:41]

Ég er búin að jafna mig en myndavélabúnaðurinn er enn í viðgerð. Ég setti inn nokkrar myndir, endilega kommentið svo ég sjái hvaða myndir ykkur finnst flottar. Kveðja, Gerða

[Heimir og Halldór Jónssynir, 27.8.2009 kl. 23:22]

Gott að þú ert búin að jafna þig. Verra með vélina :(. Ég er búin að kommenta á nokkra myndir :).