Jimclark international rally - 3ja umferðin og nú er það malbik :/

Góða kvöldið.

 Nú er komið að því - 3ja umferðin af sex í bresku meistarakeppninni (www.rallybrc.com) er um komandi helgi og verðum við systkynin mætt þar til að berjast.

Þetta er fyrsta umferðin af þremur í röð þar sem eingöngu er keyrt á "malbiki" þ.e malbikuðum slóðum mest megnis milli trjáa og á kafi í rolluskít.

Eins og frægt er var fyrsta og eina tilraun undirritaðs á malbiki ekki beint ferð til fjár - nema þá kannski fyrir bílapartasala í bretlandi. Eins og sjá má í myndum hér að neðan og í albúmunum: http://hipporace.blog.is/album/manx_2008_stora_krassid/ og http://hipporace.blog.is/album/neydarhjalp_ur_nordri/ .

 

           

Þarna vorum við Ísak á ferð í manx 2008 og endaði ævintýrið á sjöundu sérleið.

Þessa helgina situr Ásta í fyrsta sinn í bíl á slikkum og sem fyrr segir undirritaður að hefja sýna sjöundu sérleið á þessu undirlagi. Við erum hrikalega vel stemmd fyrir rallið - höfum undirbúið okkur alls ekki neitt sérstaklega enda höfum við enga reynslu til að byggja á. Draumur væri að ná að auka hraðann eftir þvi sem á keppnina líður þannig að í enda hennar verðum við kominn nærri topp 10 í sérleiðatímum. Keppnin er ca 220km löng á sérleiðum og er bæði keppt á föstudag í myrkri og svo á laugardag. Það er spáð "thunderstorm" á föstudag og segja kunnugir að malbikið verði sleipara en ís við slíkar aðstæður. Svo á að vera þurrt á laugardag - en þá koma pollar væntanlega til með að spila stóra rullu í dekkjavali.

 Heimasíða rallsins er www.jimclarkrally.com og er hægt að sjá tíma í gegnum link af henni.

Við eigum enga raunhæfa möguleika á því að halda öðru sætinu í meistarakeppninni eftir helgina - en markmiðið er að öðlast reynslu og skila sér í mark.

Við reynum að senda fréttir hingað eða inn á facebook síðu stuðningsmannahópsins um helgina og jafnvel myndir ef skotar tíma að eiga netsamband :)

Knús til allra

Danni & Ásta

Athugasemdir

[Elvar Örn Reynisson, 30.5.2010 kl. 08:19]

Til hamingju með árangurinn