IRC - Rally of scotland 19-21. Nóvember.

Góða kvöldið.

Með mikilli eftirvæntingu og einnig talsverðum kvíða má tilkynna að við hyggjumst ætla að reyna að blóðmjólka annars lítið notaðar heilladísirnar síðar í þessum mánuði og takast á við IRC rally of Scotland.

Keppni þessi verður ógnarsterk en IRC mótaröðina má líkja við Evrópukeppni eða jafnvel heimsmeistarakeppni minna breyttra bíla. Þarna hefur útúnganarstöð fyrir Super 2000 bíla verið og flestir efnilegustu ökumenn heimsins eru að keppa þarna fyrir verksmiðjulið á nýjustu afurðum þeirra.

Ljóst er að nýr aðstoðarökumaður mun verma sætið - en því miður þar sem hvorki Ásta né Ísak sáu sér fært að koma með í keppnina þá verður áhöfnin ekki alíslensk. Það er samt gleðiefni að segja frá því að Martin Brady - einn færasti íraskratti sem uppi hefur verið hefur þegið boð um stólinn og ef miða á við keppnisreynslu hans og árangur (margfaldur evo challenge meistari og hefur keppt í fjölmörgum alþjoðakeppnum sem atvinnukóari) þá er víst að ekki mun taka langan tíma að slipa okkur saman.

Rallið er langt og strangt - ekki minna en Wales rally GB var um daginn - og höfum við ástæðu til að vonast eftir toppáranagri í samanburði við aðra N4 túrbó bíla. Ljóst er þó að S2000 bílarnir verða mikið hraðskreiðari og því úrslit innan topp tíu sennilega ekkert nema draumsýn.

Vitað er að Kris Meeke, Guy Wilks, Keith Cronin, Mark Higgings, Adam Gould, Eyvind Brynjildsen, Freddy Loix og fleirri eru skráðir undir merkjum verksmiðjuliða S2000 Skoda, peugeot, Proton og Fiat - en endanlegur ráslisti liggur ekki enþá fyrir.

 Meira síðar í vikunni.

DS

Athugasemdir

[Elvar Örn Reynisson, 9.11.2009 kl. 00:14]

Spennandi...

[Steini Palli, 9.11.2009 kl. 09:12]

Þetta líst mér vel á. Ef ég þekki þig rétt þá er stefnan sett á að vera meðal efstu manna í gr.N (þ.e. fyrir utan S2000) og verður gaman að sjá hvernig þetta fer. Eitt er víst að ég verð með athyglina í lægi og reyni að miðla upplýsingum eins og ég get.

Baráttukveðjur, Steini Palli