VIÐ UNNUM - AKSTURSÍÞRÓTTAMENN ÁRSINS 2009 ERU FLÓÐHESTAR!

Síðastliðna helgi var undirritaður sæmdur titlinum “akstursíþróttamaður ársins 2009” við hátíðlega athöfn – en þetta er stærsta viðurkenning sem veitt er í heimi akstursíþrótta ár hvert.   

 

Það voru sjö aðilar útnefndir og hver einn vel að útnefningunni kominn fyrir frábæran árangur og starf í þágu íþróttarinnar. Allt eru þetta sigurvegarar í mínum huga því það þarf ærið starf til að fá útnefningu og ljóst að valið var erfitt þetta ár.   

 

Því verður ekki leynt að ég var nokkuð hissa þegar mér bárust hamingjuóskir í tonnatali síðastliðið laugardagskvöld – þar sem ég var staddur við keppni í Skotlandi – en mikið var ég stoltur að sjá og finna samhug þjóðar minnar ásamt þessum mikla stuðningi við áframhaldandi afrek sem þessi titill blæs í hjarta mér. 

 En– kannski var þetta smá svindl allt saman.. Hversvegna, jú – því ég var ekkert einn í liði og lít fyrst og síðast á þennan titil sem viðurkenningu til allra þeirra dásamlegu einstaklinga sem lagt hafa sitt á vogarskálarnar til að lyfta rallý á hærra plan hérlendis á árinu sem er að líða.   

 

Af algerri óeigingirni hefur þessi hópur í kringum mig skapað ótrúlegan félagsskap sem hefur gaman af íþróttinni og nýtur þess að leggja sitt af mörkum fyrir betri upplýsingaflæði og almannatengslum fyrir sportið í heild sinni hérlendis og fylgt útrás okkar af mikilli elju í Bretlandi, heimsmeistarakeppninni og IRC.   

 

Gleði, samvinna, ógleymanlegar gleðistundir og lífsreynsla er það sem allir hafa safnað allt árið og árangurinn hefur verið verðlaunaður með þessum titli.   

 

Ég er stoltur af því að leiða þennan hóp og vona að viðurkenning þessi efli og stækki rallýíþróttina i heild sinni – áhuga á henni og sýnileika.   

 

Þeim þúsundum áhugamanna sem fylgjast með okkur þakka ég einnig. Án ykkar værum við ekki með daglegan hvata til stærri markmiða í náinni framtíð!   

 

Jónsi – Elvar – Gerða – Alli – Marri – Jói – Díana – Lísa – Himmi – Bjössi – Bjarki – Ásgeir – Gulli – Pétur – Dóri – Steini Palli – Ísak – Fylkir - Ásta – Gulli Briem og allir hinir sem hafa á enn veg eða annan komið að árangri ársins  – þið eruð hluti af þessum titli

Akstursíþróttahópur ársins 2009! TIL HAMINGJU

Athugasemdir

[Einar Atlason (IP-tala skráð) 27.11.2009 kl. 16:24]

finnst þér þú hafa sínt árangur á þessu ári sem réttlætir þennan bikar? mér finnst þú gera of mikil mistök.  af hverju ertu ekkert búið að segja frá hvað gerðist í síðasta rallí? Einar

[Akstursíþróttakappinn Daníel Sigurðarson, 27.11.2009 kl. 21:19]

Sæll Einar.

Já - það finnst mér. Ég veit að þessi titill hefur ekkert endilega með árángur að gera - heldur fórnfýsi fyrir íþróttina, framkomu og kynningarstarf. Íslandsmeistaratitlar eru veittir þeim sem ná bestum árangri í hverri grein.

Varðandi síðustu keppni þá var undireins skrifað og sýnt innan úr bílnum á facebook síðu aðdáendasíðu sem tilkeinkuð er liðinu. Tímaskortur hefur valdið því að ég hef ekki sett það inn hér - enda flestir með aðgang á facebook.

Með vinsemd og virðingu,

DS

[Raggi M, 28.11.2009 kl. 23:20]

Til hamingju danni með titilinn átt hann alveg skilið og er það stór áfángi fyrir sig að komast á ráslinu í WRC. Þó svo að þessi titill sé kannski ekki vegna sigra í WRC eða IRC þá hefur þú hjálpað okkur nýliðunum og kvatt okkur áfram á þessu ári sem spilar stórt.
Vona að næsta ár verði en betra fyrir þig og þína útí hinum stóra rally heimi

Kv. Raggi M. sem þakkar fyrir stuðninginn og fyrir rúntana á rallybílunum í gegnum tíðina

[Elvar Örn Reynisson, 29.11.2009 kl. 22:15]

Þetta eru klárlega hvatningarverðlaun. Haltu áfram ótrauður í því sem þú hefur verið að gera. Vonandi fæ ég þann heður að vera með í næsta fylgdarliði og vonandi sé ég meira af þér hér á malarvegunum hérna heima.

[Jón Þór Jónsson (IP-tala skráð) 29.11.2009 kl. 22:39]

Hæ

Það er vissulega rétt að allir þeir er tilnefndir voru hefðu verið verðugir sigurvegarar og eru þeir í raun allir sannir sigurvegarar. Ég hefði þessum sjö til viðbótar getað getað bætt við að minnsta kosti einum ef ekki tveimur akstursíþróttamönnum til viðbótar.

Það að vera verðugur titlinum akstursíþróttamaður ársins snýst ekki endilega um það hver vinnur flesta sigra heldur kannski frekar hver skarar framúr í sinni íþrótt, sýnir af sér drengskap í keppnum, kynnt íþróttina og umfram allt verið landi og þjóð til sóma. Alla þessa hluti hefur Danni gert með glæsibrag á árinu og er því verðugur titlinum og verður ekki dregið úr árangri hans.

Yfirburði í íþróttinni hér heima sýndi Danni svo í sumar þegar að hann mætti í Skagafjarðarrallið, á bíl sem að menn sögðu að ekki myndi klára fyrri keppnisdaginn og kláraði rallið án þess að notast við leiðarnótur í öðru sæti einni sekúndu á eftir Íslandsmeistaranum. Það er bara þannig hvort sem að mönnum líkar það betur eða verr að þá er Danni langfljótasti íslenski rallarinn í keppni í dag og þurfti hann ekkert að vinna sigur hérlendis til þess að sanna það.

 Það að gera mistök er bara mannlegt og eðlilegt þegar að keppt er á hæsta plani íþróttarinnar. Reyndar þá hefur það verið haft eftir fyrrverandi heimsmeistara í greininni að ef að þú ekki krassar einu sinni á ári, þá ertu einfaldlega að fara of hægt yfir. Þó mæli ég ekkert sérstaklega með því að menn stundi það sérstaklega

Ég segi því bara Danni, Himmi, Steini, Aron, Ragnar, Jón Örn og Hafsteinn , til hamingju allir saman.

 KV. Jónsi