Flóðhestar á fleygiferð

22.6.2009 | 22:26

Rétt misstum af gullinu - en silfrið okkar í Mid wales :)

Góða kvöldið.

Í gær lauk Mid wales rallinu og lukum við keppni í öðru sæti - aðeins 6 sek frá verðskulduðum sigurvegurunum Shaun Gardener og Ben Innes.

Í stuttu máli var þetta geðveikasta keppni sem undirritaður hefur keppt í.

Á fyrstu leið vorum við með nákvæmlega sama tíma og Shaun - sama gerðist á annari leið og því eftir 30km akstur á sérleiðum komum við inn í fyrsta þjónstuhlé leiðandi rallið sameiginlega.

Leið 3

Þriðja leið og við loksins náðum forystunni - 2 sekundur var reyndar allt sem það var en váááá hvað var haft fyrir þeim! Svo á fjórðu leið tók Shaun 7 tilbaka og því vorum við 5 undir fyrir síðstu leið! Nú var ALLT lagt undir, varadekki hent út og öllu lauslegu, bensín talið upp á dropa og skorið í dekk...

Því miður gerði undirritaður mistök snemma á leiðinni sem kostuðu 6-8sek -- eins og sjá má snemma á þessu vídeói:

Allaveganna - Shaun vann síðustu leiðina með 1 sek og því rallið með 6 sek. Tæpara verður það varla. Báðar áhafnir lögðu ALLT í keppnina og ýttu hvorum öðrum alveg fram á bjargbrúnina! Betra verður það ekki!

Í þriðja sæti kom svo Damien Cole og George Gwynn - áhöfnin sem fyrir rallið var búinn að lýsa því yfir að þetta yrði sér auðveldur sigur - enda á algjörum yfirburða bíl. Þeir urðu að éta hatt sinn og voru 24sek á eftir okkur.

Annars eru sérleiðatímar hér: http://www.rallyroots.com/MidWales09_MTimes06.pdf

Myndir og vídeó koma fljótlega hér á vefinn.

Óendanlega miklar þakkir til ykkar sem fylgist með og styðjið okkur í huga og verki - takk takk takk takk :)

Danni og co

Flokkur: Bloggar | Breytt 23.6.2009 kl. 00:28 | Facebook