EVO X

Góðan daginn.

 Í tilefni af þunnum fréttaflutningi af okkur flóðhestum skal lítillega úr því bætt nú og ritaðar upplýsingar um það sem er á matseðlinum okkar næstu mánuðina.

Eftir óhóflega mikið ólán með EVO 9 keppnisbifreið okkar þá var ákveðið að selja hana og eru nýjir sænskir eigendur komnir með hana í hendurnar - afar sáttir.

Evo 9 hefur verið kvaddur hinsta bleika prumpi.

Nú voru góð ráð dýr fyrir flóðhesta - hvernig mætti snúa við lukkuhjólinu fyrir okkur.. Jú, tvennt kom til greina. Annars vegar að fjárfesta í eldri bíl af sterkustu gerð úr heimsmeistarakeppninni - bíll sem vissulega væri kominn til ára sinna en ætti að hafa styrkt til að takast á við átökin sem við bjoðum honum.. Hins vegar var að fara í spánýjan verksmiðjuframleiddan bíl eins og við höfum ekið á síðastliðinn 3 ár - og kom þá ekkert annað til greina en að halda sig við Mitsubishi.

EVO X í smíði - ekki okkar bíll en alveg eins - hvítur og fagur.

Í sem styðstu máli þá höfum við ákveðið að fara síðarnefndu leiðina. Þetta er dýr leið en með frábærri aðkomu Mitsuhishi UK, JRM motorsport, Exe Tc ltd, LICO wheels og fleirri góðra fyrirtækja höfum við náð samkomulagi um smíði á fullbúnum evo X rallíbíl. Þetta er samstarfs og þróunarverkefni allra ofannefndra ásamt góðvini okkar Stuart Jones - sem mun vera tilraunaökumaður á bílnum í vor - en hann mun starfa náið með tæknimönnum frá mitsubishi og Exe Tc - sem leggur til fjöðrunina í bílinn.

Smíði bílsins stendur sem hæðst núna og mun hann líta dagsins ljós seint í næstu viku. Til stóð að frumsýna hann í Bulldog rallinu - sem er fyrsta umferð bresku meistarakeppninnar www.rallybrc.co.uk sem fram fer um næstu helgi, en það næst ekki að klára prófanir á bílnum fyrir þá keppni - og hefur því verið tekinn ákvörðun um að sleppa þeirri keppni.

Varðandi keppnishald okkar þá liggur ekkert fyrir sem stendur - en ellikelling er farinn að segja til sín hjá undirrituðum og þarf því að setja hann á verkstæði í upptekt sem ekki er vitað hvað tekur langan tíma.

Því miður þá gleymdist myndavélin þegar farið var í skúrinn úti í bretlandi um daginn - en mjög fljótlega koma inn myndir hér af smíði bílsins.

 

DS

Athugasemdir

[Steini Palli, 22.3.2009 kl. 09:58]

Til hamingju með nýja bílinn og vonandi fáum við að sjá prógram ársins fljótlega. Það verður mjög spennandi að sjá hvernig þér farnast á þessum bíl og vonandi verður hann byggður fyrir "Danna" meðferð...  Allvega ertu með topp aðila í að byggja þennan bíl fyrir þig og eins virðist X-tc vera toppurinn í dag í fjöðrunarkerfum. Bara spennandi tímar framundan og vona ég að uppgerð á "karlinum" muni ganga einnig vel.

Kv. Steini Palli

[Team Yellow, 23.3.2009 kl. 11:51]

Slef, þetta er geeeeððððveikt.  Ég bíð spenntur eftir myndum og programi ársins.

[Heimir og Halldór Jónssynir, 23.3.2009 kl. 22:47]

Frábært!! og til hamingju. Hlakkar til að sjá myndir...