Sunseeker rally 2009 - 4 dagar í ræsingu og mikill spenningur í okkar herbúðum :)

Góðan daginn.

 

Loksins er að koma að því - fyrsta keppni okkar á EVO í hálft ár er á næsta leyti og boðar það upphaf vonandi skemmtilegs keppnistímabils og endalok kreppunnar?? :)

 

Við höfum staðfest þáttöku okkar í fyrstu umferð ANCRO gravel rally championship í Bretlandi - en rallið heitir Sunseeker og fer fram í Bournemouth og nágrenni dagana 27-28 febrúar.

 

Það verður Ísak Guðjónsson sem vermir aðstoðarökumannssætið í þessari keppni - en hann hefur mjög góða reynsu af leiðunum þarna og þá sérstaklega innanbæjar í Bournemouth - þar sem hann hefur 2 síðastiliðin ár endurskipulagt gatnakerfið þar í bæ.

Keppnisbíll okkar verður sá sami og við notuðumst við í fyrra - Mitsubishi EVO 9 - og nú er bara að vona að hvorki bíll né áhöfn verði rykfallinn þrátt fyrir þessa löngu pásu á keppnum.

Mitsubishi verður með sitt EVO-Challenge í gangi þarna og munum við taka þátt í þeirri meistarakeppni - en ljóst er að leiðin er brött þar en bæði NIk Elsmore og Daniel Barry sem þar keppa hafa verið að sýna stórkostlegar framfarir undanfarið og börðust meðal annars um sigurinn yfir heildina í hinu þekkta Wydean rally sem fór fram fyrir nokkrum vikum, þar sem Nik hafði betur. En þetta var í fyrsta sinn í sögu Wydean sem óbreyttur bíll sigraði það rall - og segir það nú ýmislegt um hraðann sem þessir bílar og ökumenn eru farnir að ná.

 En - okkar markmið er að vera í verðlaunasæti í flokki óbreyttra bíla - og teljum við það ekki fráleitt. Við munum tapa einhverju í upphafi rallsins meðan við erum að dusta af okkur rykið - en svo er stefnan þegar komið er á löngu leiðarnar að vera kominn á eðlilegan hraða að berja frá sér.

 Okkur hefur verið úthlutað rásnúmmerinu 33 - en mér skilst að eitthvað eigi að færa okkur ofar í rásstað - sjáum hvort bretarnir sjái aumur á íslendingunum með þetta,, við höfum okkar efasemdir.

Eitthvað verður stungið hér inn á vefinn í vikunni ykkur til upplýsinga.

 DS

Athugasemdir

[Jónbi (IP-tala skráð) 23.2.2009 kl. 14:04]

Gangi ykkur vel drengir, gaman að sjá að það er ekki kreppa á ykkar bæ  ég hef trú á ykkur og bíð spenntur eftir að fylgjast með ykkur.

Jónbi

www.evorally.com

[Guðmundur Orri McKinstry (IP-tala skráð) 23.2.2009 kl. 22:13]

Það er slatti af jeppum að keppa þarna.....

Gangi ykkur vel úti og skilið ykkur sjálfum og bílnum heilum í mark.

Góða skemmtun.

kv

Gummi McKinstry

[TEAM SEASTONE, 23.2.2009 kl. 23:10]

Gangi ykkur vel það verður spennandi einsog alltaf að fylgjast með tímunum á netinu.

ps.ef þú sérð racing manifold í focus liggjandi á glámbekk hjá einhverju keppnisliðinu,stingdu því þá inná Ísak.mig nebbnilega vantar soleiðis:):) 

[petur sigurbjorn petursson (IP-tala skráð) 24.2.2009 kl. 10:45]

gangi ykkur allt í hagin þarna úti strákar....

það verður gaman að fylgjast með ykkur þarna....

kveðja

Feðgarnir og Baxter

[Magnús Þórðarson, 24.2.2009 kl. 12:15]

Snilld, gangi ykkur sem allra best!

[Elvar Örn Reynisson, 24.2.2009 kl. 13:41]

gaman gaman. Bíð spenntur eftir úrslitum

[Steini Palli, 24.2.2009 kl. 14:32]

Væri gaman að heyra aðeins meira frá ykkar undirbúning. Síminn minn er 822-1134 ef þú ert ekki nálægt tölvu! Gangi ykkur annars allt í haginn.

[Joi v (IP-tala skráð) 24.2.2009 kl. 16:21]

Þetta verður vonandi bara flott, eitthvað nýtt að geta fylgst með íslenskuliði hér í útlandinu. Veðurspá er frekar góð miðað við UK en von á skúrum (kannski), hér verður stuðninglið og við bræður ætlum að hvetja okkar menn í góðum hóp.

Vandamál með hvað er orðið heitt (11°C núna í London), Siggi verður að taka með sumar-gallan sinn

kv: Jói V 

[Kristján Guðmundsson, 25.2.2009 kl. 00:43]

Gangi ykkur vel kappar and have fun

[Magnús Þórðarson, 25.2.2009 kl. 18:25]

Jói - er siggi ekki enn búinn að láta hann á sig lopapeysu með öndun? :D

En já eins og ég segi, það verður fylgst vel með gangi mála hér á bæ ;)

[Team Yellow, 25.2.2009 kl. 20:47]

Við fylgjumst spenntir með einu útrásarvíkingunum sem enn halda velli.  Gular baráttukveðjur úr Hafnarfirðinum.

[Jónbi (IP-tala skráð) 27.2.2009 kl. 17:59]

Er það rétt að rallið er bara 59 km á sérleiðum, eða er þetta 59 mílur.

það tekur því ekki að leggja af stað fyrir 59km  bíð spenntur...

Jónbi

[Anna mamma (IP-tala skráð) 28.2.2009 kl. 12:07]

Er hægt að upplýsa um vefslóð fyrir þetta rall??

[jónbi (IP-tala skráð) 28.2.2009 kl. 13:46]

Bévítans óheppni... Nú hættiru bara þessari útrás  og kemur og keppir við okkur litlu kallana næsta sumar, það vantar svona útrásarvíkinga eins og þig í rallið hér á Fróni

Jónbi

[Fylkir Jónsson (IP-tala skráð) 2.3.2009 kl. 11:57]

Myndir af Danna

Rallye sunseeker 2009 silverstone rally school ss3

[Fylkir Jónsson (IP-tala skráð) 2.3.2009 kl. 12:15]

Rally sunseeker 09 myndir 

RALLYE SUNSEEKER 2009 + ANDY DRUMMOND CRASH !

[Fylkir Jónsson (IP-tala skráð) 2.3.2009 kl. 12:19]

Myndir af Danna

Rallye Sunseeker 2009 - Daniel Sigurdarson