Wales rally GB - lokaumferð heimsmeistarakeppninnar í rallý.

Góðan daginn.

 Það er þyngra en tárum tekur að leggja árar í bát og tilkynna að við systkynin sjáum okkur ekki fært að keppa í heimsmeistarakeppninni nú í byrjun desember.

Um ástæður þess þarf nú sennilega ekki að tíunda mikið við lesendur - en hjá okkur eins og allri þjóðinni þá er ekki hægt að kaupa erlendan gjaldeyri eða gera nokkurs konar áætlanir. Óvissan er of mikil því miður - en allt okkar liggur undir því að gera þetta 110% og vekja athygli með árangri og annálaðri fegurð :)

 Góðu fréttirnar eru þær að bakhjarlar okkar í þessu ævintýri ætla að framlengja loforð sín þar til rofar til hérlendis og því má eiga von á okkur til keppni erlendis í nánustu framtíð.

 Rallýárinu er því lokið og stendur margt eftir sem á eftir að lifa með okkur um alla ævi. Sérleiðasigrar, Sigur í Mid Wales rallinu, N3 sigur í Plains rallinu og svo mætti lengi telja.

Ásta, Steinar, Ísak, Gerða, Fylkir, Himmi, Elvar, Hilmar, Jói, Gulli, Ásgeir, Jónsi, Díana, Andrew Sankey, Stuart&Kim Jones, Max&Wug Utting, Quick motorsport og allar hinar hetjurnar - þúsund þakkir fyrir nærveruna, hjálpina og stuðningin.

Við höfum ekki sagt okkar síðasta :)

DS

Athugasemdir

[Steini Palli, 4.11.2008 kl. 15:08]

Þetta er leiðinlegt að heyra en ekki hægt að segja að þetta komi samt á óvart miðað við ástandið. Ljósi punkturinn í þessu er samt að ykkar bakhjarlar ætla að standa við bakið á ykkur á komandi ári og óska ég ykkur alls hins besta þegar að því kemur.

Vill einnig nota tækifærið og þakka ykkur fyrir þá skemmtun sem þið hafið veitt okkur pupilnum á þessu ári og treysti ég á ykkur til að reisa við mannorð okkar Íslendinga erlendis á næsta ári því ekki treysti ég pólitíkusunum til þess

 Baráttukveðjur,

Rocky

[Elvar Örn Reynisson, 5.11.2008 kl. 19:03]

Þið komist vonandi á næsta ári og gerið enn stærri hluti. Þetta er búið að vera virkilega gaman í sumar og ég þakka alla aðstoð og fróðleik.