Ein vika til stefnu - 29. alþjóðarallið og enn bætist við keppendalistann :)

Sælir kæru lesendur.

 

Nú er aðeins vika til stefnu þar til ræst verður af stað í hina bráðskemmtilegu og krefjandi keppni sem nefnist alþjóðarallið. Það er ánægja að tilkynna að við flóðhestarnir höfum ákveðið að skrá til leiks aðra keppnisbifreið - en þar munu verða á ferðinni þeir Steini og Grímur þjónustumenn okkar og ætla þeir að taka Bleik hennar Ástu til handagagns í keppnina. Þeir verða þó í service fyrir okkur en ætla að keyra keppnina með pallinn fullan af verkfærum, köðlum og grátöli til að allir keppendur sem þeir keyra fram á geti fengið viðeigandi meðferð að hætti Flóðhesta :)   Sem sagt - við munum notast við Paris-Dakar útgáfu af þjónustu í þessu rallii með því að láta einn bíl keyra á eftir okkur keppnina.

Mikið er spáð og spekúlerað í þessari keppni og telur undirritaður víst að aldrei hafi metnaður áhafna verið jafn mikill og í ár. Eins og áður hafði verið greint frá var Jóhannes Gunnarsson búinn að æfa sig, fá ráð og ná miklum framförum síðan í síðustu keppni, Páll Harðarson mun mæta með nýja uppsetningu á bíl sínum sem vonir standa til að skili honum mikið hraðar áfram.

Eyjolfur Melsted er mættur hingað til lands með Subaru bíl sinn - en þeir hafa verið í útlegð hjá frændum okkar í Noregi síðasta árið. Kagginn er kominn hingað með spánýrri fjöðrun og hefur greinilega fengið mikla alúð frá því að hann keppti síðast. Einnig er Eyjolfur sjálfur búinn að ná betri tökum á bílnum en áður og eftir prufuakstur með honum í vikunni er brosið fast á undirrituðum. Þessi strákur hefur allan þann vilja og grimmd sem þarf til að vera á toppnum og með smá fíniseringu á bílnum og akstursstíl þá mega menn virkilega fara að vara sig.

Fylkir og Elvar eru fullir sjálfstraust eftir flottan árangur í síðustu keppni - en þeir eiga einmitt þann heiður óskertan að hafa klárað alþjóðarallið í verðlaunasæti í þremur af fjórum tilraunum sínum. Seigla þeirra og síaukinn hraði gerir þá að álitlegum kostum þegar spekúlerað er um úrslit í komandi keppni. Undirritaður tók bil þeirra til kostana í vikunni og hefur hann sjaldan verið í betra formi.

 

 Þetta er gaman og verður bara skemmtilegra :)

 

Kv. DS

Athugasemdir

[Jónsi (IP-tala skráð) 15.8.2008 kl. 17:17]

Jæja þá eru bara 6 dagar í rallið. Er ekki kominn tími á að spá ??

Hérna er alla vega mín spá fyrir aðra helgi.....

1. Danni-Ásta

2. Siggi-Ísak

3. Pétur-Heimir

4. Utting feðgar

5. Jónbi-Boggi

6. Fylkir-Elvar

Þarna er staða 6 efstu, við Marri ætlum okkur að vera í þessum hópi en ég vill ekki setja óþarfa pressu á okkur þannig að ég staðset okkur ekki í röðinni.

Ég held að þar sem pressan er á Jónba og Bogga að þá komi þeir til með að gera dýr mistök þrátt fyrir að sýna góðan hraða. Siggi og Ísak verða öruggir í öðru sæti eftir að hafa tekið örugga næst- og þriðju bestu tímana mest allt rallið.

Pétur og Heimir sýna jafn agaðann akstur og þeir hafa sýnt í mest allt sumar.

Danni sýnir að hann er í sérflokki, áfallalaust rall hjá honum(ég er búinn að taka af honum loforð um að það verði ekki rispa á bílnum eftir rallið) 

Þetta er nú það sem ég sé í minni kristalkúlu.....

kv. Jónsi 

[Jónbi (IP-tala skráð) 15.8.2008 kl. 21:00]

Ef kúlan þín verður sannspá... þá dugar Sigga braga að vera í 3 sæti í haustrallinu til að verða meistari  það ætti að verða auðvelt fyrir hann.

En auðvitað er kúlan þín bara að bulla hehe...spurðu aftur!!!

[Akstursíþróttakappinn Daníel Sigurðarson, 16.8.2008 kl. 01:18]

Sælir.

 Fín spá hjá þér Jónsi - en þú þarft að pússa kúluna þína eitthvað.

Svona fer þetta: (amk væri það lang skemmtilegast fyrir íslenskt rall)

1.Marri og Jónsi = 28.5

2.Jonbi og Boggi = 28

3. Valdi og Ingi = 27,5 

4.Danni og Ásta

5.Eyjó og Dóri

6. Fylkir og Elvar

7. Palli og Alli

8.Pétur og heimir 28,25

9.Siggi og Ísak 28

Haustrallið verður þá alvöru keppni ;)

DS

[Akstursíþróttakappinn Daníel Sigurðarson, 16.8.2008 kl. 11:06]

Ég held samt að súbarúarnir og eldri evoarnir muni geta bitið fast frá sér í þessu ralli - pétur og heimir koma sterkir inn þegar kemur að styrk og úthaldi bílsins.

 DS