Skagafjarðarrallið búið - allt í járnum í toppbaráttu íslandsmótsins í rallý

Góða kvöldið.

Um síðustu helgi fór fram fjórða umferðin af sex í Íslandsmótinu í rallý. Það reyndist verða raunin sem einhver spáði að allt fór á annan endan og galopnaðist fyrir spennu. Ífyrsta lagi þá gerðust þau tíðindi að Pétur og Heimir sem hafa leitt mótið í sumar - fóru öfugum megin framúr og gekk allt á afturfótunum hjá þeim í keppninni. Máttu þeir vel við una að klára í sjötta sæti en töpuðu þeir þar með forystu íslandsmótsins í hendurnar á Sigurði Braga og Ísaki - sem fengu sigur í þessu ralli á silfurfati. Jafn og áfallalaus akstur þeirra var rétta herfræðin og sigurinn verðskuldaður.

Í öðru sæti kláruðu þeir Jón og Borgar - en þeir voru áberandi hraðastir alla keppnina. En Mælifellsdalurinn sýndi mátt sinn og refsaði þeim fyrir að geta ekki hamið sig og sprengdu þeir dekk og töpuðu miklum tíma. Þeim til hróss þá gáfust þeir ekki upp og keyrðu fantavel og unnu sig í verðskuldað annað sætið - en til samanburðar töpuðu Pétur og Heimir svipuðum tíma og enduðu í sjötta sæti. Segir ýmislegt um þá pressu sem nýliðarnir P&H voru ekki að höndla og sýndi sig svo augljóslega í keppnninni. Nú eru þeir reynslunni ríkari og mæta vonandi vel endurnýjaðir og einbeittir í næstu keppni - staðráðnir í að klára mótið með stæl.

Stórfrétt til þess að gera var svo akstur þeirra Fylkis og Elvars sem sýndu á sér alveg nýja hlið og keyrðu drulluvel. Þeir hirtu næstum annað sætið að Jóni og Borgari - en urðu þó að gera sér þriðja sætið að góðu fyrir rest. En mikið var nú gaman að sjá þennan bíl loksins vera gefið í botn :) Fylkir kann alveg að keyra og væri enn meira gaman ef hann tæki Íslandsmótið af meiri alvöru!

Önnur stórfrétt var sú að sú áhöfn sem mest hefur komið á óvart í sumar, nýliðarnir á gamla bílnum þeir Marri og Jónsi duttu út - og fallið var hátt á stigatöflu mótsins, úr öðru í fimmta sætið. Svekkjandi með eindæmum því þeir voru í örruggu öðru sæti þegar viftuspaði losnaði og gataði vatnskassa í Mitsubishi bíl þeirra. Grátleg örlög og óverðskulduð - en þetta þýðir raunar að möguleiki þeirra á Íslandsmeistaratitli er að engu orðin.

Mótið er jafn og margt spennandi getur gerst:

Ef Siggi Bragi vinnur alþjóða og Pétur dettur út er Siggi Meistari sama hvernig annað fer.

EF Pétur vinnur alþjóða og Siggi dettur út getur Valdi einn manna náð Pétri í haustralli klári hann í öðru sæti alþjóðarallið og pétur dettur út úr haustrallinu sem valdi þá vinnur (nokkuð langsótt með fullri virðingu fyrir Valda).

EF Siggi vinnur alþjóða og Pétur er annar þá verður pétur að vinna haustrallið með Sigga neðar en þriðja til að verða meistari - annars tekur Siggi titilinn.

Jónbi þarf nauðsynlega að fá bæði Pétur og Sigga Braga til að detta út úr einni keppni í sumar til eiga raunhæfa möguleika á íslandsmeistaratitlinum - og að sjálfsögðu að vinna alþjóða og haustrallið sem hann ætti að geta.

Ef valdi klárar ofarlega í báðum röllunum sem eftir eru þá er hann alveg inn í myndinni til meistara - en bíll hans og orð hans um brotthvarf úr rallinu minnka líkurnar á að hann haldi út tímabilið.

Staðan á mótinu eftir 4. umferðina er svona:

1. Sigurður Bragi 28 stig
2. Pétur S. Pétursson 27 stig
3. Valdimar Jón Sveinsson 20 stig
4. Jón Bjarni Hrólfsson 18 stig
5. Marían Sigurðsson 16 stig
6. Fylkir A. Jónsson 15 stig
7. Jóhannes V. Gunnarsson 11 stig
8. Páll Harðarson 10 stig

Mín ástkæra systir kláraði á sínum ofurbleik í þriðja sæti jeppaflokks - hún er svo mikill snillingur :)

Mínar hjartans þakkir til allra fyrir frábæra skemmtun í Skagafirði.

Fleiri myndir í myndaalbúmi Flóðhesta og á síðunni hans Elvars

DS

 

Athugasemdir

[Jónbi (IP-tala skráð) 4.8.2008 kl. 15:26]

önnur skemmtileg pæling... ef við vinnum Alþjóða, Pétur lendir í öðru og Siggi klárar ekki, svo vinnur Siggi haustrallið ,Pétur dettur út og við í öðru sæti þá vinnum við mótið með hálfu stigi  spennó

Jónbi

www.evorally.com

[Akstursíþróttakappinn Daníel Sigurðarson, 4.8.2008 kl. 19:12]

Já - eins og ég sagði - Þið þurfið að fá bæði Pétur og Sigga til að detta út úr einni keppni í sumar til að eigja séns. Allt getur gerst og eflaust gerist það.

Verst fyrir okkur áhorfendurna væri ef mótið myndi ráðast í alþjóða. Við viljum sjá blóðug slagsmál fram á síðustu leið haustrallsins.

Ég persónulega held að Pétur standi best að vígi, bíllinn hans er einfaldlega áreiðanlegastur og hann er búinn að sýna agaðan akstur (inn á veginum) í sumar.

Því miður er líkindareikningurinn ekkert sérstaklega með okkur MMC 7-9 mönnum að við náum að klára alþjóðarallið. Þarna koma súbbarnir og eldri MMC bílarnir allt of sterkir inn og kæmi mér lítið á óvart ef Pétur/Heimir sigraði alþjóða, Utting feðgarnir í öðru og fylkir/valdi/Palli/Marri í næstu sætum.

Mjög spennandi -  ég vona að geta verið með. Fyrsta þjálfun í fyrramálið :)

DS

[gudni.is, 6.8.2008 kl. 14:54]

Skemmtilegt að staðan skuli vera svona opin og spennandi. Svona á þetta að vera. Ég persónulega hef mesta trú á því að Pétur og Heimir vinni titilinn í ár. Þeir eiga hann "verðskuldaðastann" að mínu mati. Ég vona samt eins og Danni að þetta klkárist ekki í alþjóðarallinu heldur verði spennandi og opið allt til enda haustralls.