Nicky Grist heimsmeistari og Ásta Sigurðardóttir

Ég er svo stoltur af litlu systur! Við ættum öll að vera það :)

 

Þannig er mál með vexti að síðastliðinn föstudag þá drifum við systkynin okkur í verslunarleiðangur og hittum þar fyrir fyrrverandi heimsmeistara aðstoðarökumanna, Nicky Grist og eigum við hann spjall. Svo uppnuminn varð hann af keppnisferli Ástu systur að hann tók sig og sinn dýrmæta tíma og settist niður með henni og fór yfir leiðarnótur fyrir rallið, benti á hættulega staði í og gaf góð ráð. Í framhaldinu þá mætti hann að morgni keppnisdagsins í pittinn til okkar, lánaði okkur kapal í hjálminn og hélt áfram að fara yfir með okkur og aðstoða við nótugerðina (sem var á síðasta snúning). Í framhaldinu lýsti hann yfir áhuga að taka Ástu í þjálfun og fínslípa því margt af því sem hún var að gera var að hans sögn "fáránlega" flott miðað við aldur hennar og keppnisreynslu. Hún væri sannarlega með því efnilegra sem hann hefði hrasað um á sinni ævi.

 

Colin Mc Rae og Nicky Grist

Fyrir þá sem ekki vita er þessi maður langþekktasti aðstoðarökumaður í heimi. Hann varð heimsmeistari með Juha Kankkunen og keppti með Heimsmeistaranum Colin Mc Rae í gengum megnið af sínum keppnisferli. Hann hefur hætt að mestu keppni í dag - en keppir eitt rall á þessu ári með Hannu Mikkola sem einnig er f.v heimsmeistari.

 

Gaman verður að sjá hvort framhald verði á samskiptum milli þeirra - en í slóðinni hér að neðan má sjá keppnir í heimsmeistarakeppninni og árangur sem þessi maður er með í reynslubankanum.

http://www.rallybase.nl/index.php?type=profile&driverid=31

 

DS