Það er vor í lofti á Íslandi - Spennan magnast á öllum vígstöðvum.

Góða kvöldið kæru lesendur.

 

Góður tími liðinn frá síðustu fréttum - en þrátt fyrir þögnina hefur geysilega mikið verið í gangi enda styttist óðum í hvern stórviðburðin á fætur öðrum í mótorsportheiminum.

Næstkomandi helgi verður haldin mikil bílasýning á vegum Bílar&Sport tímaritsins - þessar sýningar hafa verið árviss viðburður undanfarið og sífellt stækkar sýningarsvæðið og verður glæsilegra.

Íslenskir rallkappar hafa því verið í óðaönn að gera tækin sín klár og lofa ég þeim sem leggja leið sína í kópavoginn um helgina að þeir verði ekki sviknir af tækjaflotanum sem frumsýndur verður þar.

Aðra helgi er svo komið að erfiðasta ralli ársins hjá okkur flóðhestunum - MANX international rallið verður þá haldið á eyjunni Isle of Man sem er á Írlandshafi. Þetta er tveggja daga rall á malbiki  og þykir óendanlega erfið keppni. Í fyrra náðu rétt rúmur helmingur keppanda að klára þessa keppni sem segir meira en mörg orð um erfiðleikastig hennar.

Ekki er hægt að segja að undirbúningur okkar sé í samræmi við fyrri keppnir á árinu - en hefðbundnar líkams og tækniæfingar hafa þó verið miklar. Þó varð Ísak fyrir slæmri byltu á æfingu í síðustu viku og að læknisráði var honum ráðlagt að hafa sig hægan í fjórar vikur. Hann sýndi sitt víkingagen í verki með að blása á þetta og ætlar ekki að láta neinn bilbug á sér finna.

Svona fór fyrir vini okkar Nik Elsmore fyrra... Hann var einn þeirra 49 bíla sem duttu út.

 

Athugasemdir

[Heimir og Halldór Jónssynir, 29.4.2008 kl. 23:41]

Hæ.

Það er alltaf gaman þegar vorið er komið hjá okkur röllurum..Þetta er þokkalegt crash hjá Elsmore og hökkið sem bíllinn fær er mikið.