Lokaundirbúningurinn á fullu!

Góða kvöldið.

Þá er komið að lokaundirbúningnum fyrir fyrstu umferðina í EVO-Challenge meistarakeppninni - Rallý Sunseeker - ekki nema tíu dagar til stefnu og mikið eftir að klára hjá liðinu.

 Það eru 90 áhafnir skráðar í NAT A rallið og hafa strákarnir hlotið rásnúmer 32. Ekki er nú hægt að segja að flóðhestarnir hafi hoppað hæð sína af gleði yfir rásstaðnum en svona er að vera útlendingur í UK.

Það verður Ísak Guðjónsson sem mun verma aðstoðarökumannssætið í þessari keppni - en hann keppti með Danna í þessari sömu keppni á síðasta ári og mun því reynsla hans koma sér vel nú.

Það er alveg ljóst að strákarnir munu ekki sýna fullan hraða í þessari keppni - en markmið þeirra er að keyra mjög þétt alla keppnina og kynnast nýja bílnum sem er víst geysilega öflugur.

Danni fór til Bretlands í síðustu viku og var að prófa nýja bílinn með Stuart Jones - sem keppti í heimsmeistarakeppninni PWRC á síðasta ári og er sennilega hraðasti ungi ökumaður Breta. Eyddu þeir heilum degi á einkaæfingarbraut og fóru í tækniæfingar. Lofaði bíllinn geysilega góðu - en Danni kvað hann mikið kvikari og skemmtilegri en gamla bílinn sinn. Einnig var mál manna að ekki væri að sjá að Danni hefði ekki stigið í rallíbíl í þrjá mánuði - því hraði hans og tækni kom viðstöddum á óvart.

 

 

Við munum halda áfram að setja inn línur á næstu daga.

Kveðja / Flóðhestarnir

Athugasemdir

[Halldór Vilberg Ómarsson, 13.2.2008 kl. 13:28]

>Rásnúmer 32.... bara tímabundið held ég,

[Steini Palli (IP-tala skráð) 14.2.2008 kl. 08:38]

Þeir eru með rásnúmer 32 og 14 í Gr.N en það veit sá sem allt veit að Daníel og Ísak ætla ekki að ílengjast í þeirri stöðu og allnokkrir fyrir ofan þá sem þeir leggja jafnvel á hálfu vélarafli.

Eða eins og reyndur maður sagði einu sinni: Guð gefi ykkur fulla ferð og enga bremsur ....  

[Akstursíþróttakappinn Daníel Sigurðarson, 14.2.2008 kl. 17:04]

Sælir strákar.

Við ætlum nú ekkert að vera að þenja okkur í sunseeker - þurfum að læra á þennan kengúrubil og vona að hann bili nú ekkert í jómfrúarferðinni.

Rásstaður í Sunseeker er mikilvægastur allra rásttaða í þeim röllum sem ég hef keppt í - því hvergi grefst vegurinn eins mikið og þar. Þetta þýðir að rallið sem við munum keyra er töluvert annað rall en topp 15 keyra - og töluvert grófara:)

Við brosum bara og ætlum að vera full bjartsýni fyrir þetta rall - klára og vera ofar næst!

Kveðja / Danni

[Kristján Einar (IP-tala skráð) 15.2.2008 kl. 19:42]

þið eruð snillingar!! vonandi tekst mér að koma og sjá ykkur keppa í sumar!!

gangi ykkur sem allra best :)

[Akstursíþróttakappinn Daníel Sigurðarson, 17.2.2008 kl. 15:22]

Sæll Kristján

Já - vonandi sjáumst við eitthvað úti í ár.

Gaman að fylgjast með þér komast svona hratt áfram - áfram svona :)

Bestu kveðjur / DS