Flóðhestar á fleygiferð

8.11.2007 | 18:40

TEMPEST RALLÝ 10.11.2007 - Íslenska "Landsliðið" að gera sig klárt!

Kæru lesendur.

Þá er komið að því - hópurinn er á leiðinni út með pompi og prakt. 17manns fara í ferðina vopnuð Íslenska fánanum, harðfiski og kannski Tópas... Nú skal breiða út siði lands og þjóðar - og mæta vel vopnum búinn á móti Bretunum - en þeirra aðal vopn eru eins og alkunna er: Te, marmelaði og jarðaber. Setningar eins og (með miklum breskum hreim): "Well darling - shall we have a cup of tea and pass me the marmelade and the strawberries" koma til með að hljóma um allt hersvæðið í Temtest um helgina.. En að sjálfsögðu verður þetta bælt niður með víkíngaíslensku "no problem for John boblem... Well its möts kúler in æslandik - it aksjölli ræms - - hev som dræfish"

En aðeins að keppninni sjálfri :)

Strákarnir eru búnir að vera seinheppnir í vikunni - en mynddiskur með leiðunum kom brotinn til landsins og því hafa þeir ekki geta undirbúið sig nógu mikið. Keppnisstjórn virðist einnig ætla að vera fjandsamleg og láta þá ræsa aftasta fyrir eigin mistök en það er verið að reyna að fá leiðréttingu á því. En andinn er góður og það er spáð góðu alla helgina þannig að þeim er ekki til setunar boðið... nú skal ná topp 15 segja þeir - en helst topp 10 vonum við öll!