Tempest Rallý í Bretlandi - Flóðhestarnir staðfesta þátttöku sína

Góða kvöldið.

 Þá er ljóst að Íslendingar munu eiga keppendur í TEMPEST Rallýinu sem haldið verður þann 10.11.2007 í Bretlandi.

Með frábærum stuðningi Bifreiðaíþróttaklúbbs Reykjavíkur -  Breska Hernum "the armed forces" - Quick Motorsport - Silverstone tyres og olíuframleiðandans Silcolene þá er búið að tryggja kostun fyrir rallið.

 

Í þetta sinn mun Ísak Guðjónsson setjast við hlið Danna og lesa nóturnar - en Ásta er önnum kafinn í námi og tekur sér því frí þessa keppni.

Það er fyrst og fremst fyrir tilstuðlan Íslandsvinarins Maj. Alan Paramore sem þátttaka í keppninni kom til álita. Hann og herramennirnir í Breska hernum munu standa fast við bak Flóðhestanna í keppninni sem og í undirbúningi hennar.

Þess má geta að keppnin er að miklu leyti til haldin á gömlu heræfingarsvæði og þykir hún einstaklega áhorfendavæn þar sem hægt er að fylgjast auðveldlega með bílunum inn á sérleiðum - en keppnishaldarar gera ráð fyrir að 50-70 þúsund áhorfendur mæti og hylli sína áhöfn.

Upplýsingar um keppnina má finna á slóðinni: http://www.tempestrally.com/

Nánar verður sagt frá undirbúningi okkar manna þegar nær dregur.

Flóðhestarnir 

Athugasemdir

[Joi V (IP-tala skráð) 31.10.2007 kl. 09:09]

Þetta verður bara flott, horfði á þetta rall aðeins í gærkveldi á DVD. Mikið af drullugu malbiki! Held um 20-25%.....

Hratt og svo vinkill eða u-!

MfG: Jói V

[Jónsi (IP-tala skráð) 31.10.2007 kl. 17:50]

Já er ekki málið að fjölmenna koma þessu í 50010-70010 manns c.a. ég er alla vega staðráðinn í að kíkja á svæðið ef mér tekst að finna mér samferðamenn Þetta er snilldarlega staðsett rall rétt rúma 45 km frá Heathrow (38mins til Aldershot , Hampshire samkv. google). Það er til þess að gera stutt á milli leiðanna þriggja, 10-15 mins í bíl, aðeins lengur á reiðhjóli.

Ég held að Jói hafi rétt fyrir sér með leiðarnar, hratt og svo vinkill eða u-!, brotið upp með mismunandi hröðum beygjum, ýmist til hægri eða vinstri, breytilegar í krappleika. umfram allt skemmtilegt  

Hvetjum flóðhestinn og folann til sigurs !!!!! 

kv. Jónsi

[Joi V (IP-tala skráð) 1.11.2007 kl. 09:04]

Hva ætlar ekki Ísak með? Hver er þessi "foli" ??????

Þetta hittir beint á party-ið, erfitt að fá sal á þessum tíma því ekki hægt að hliðra til því miður.  Annars veit Bakarinn allt um það, ekki hef ég hugmynd.

En úr því fólk vill fara til UK, hvað með hópferð á RAC? Ætla einhverjir þangað'?

Það er option hjá okkur bræðrum.... sem komumst ekki á IRL.

 jamm Jónsi ég hald það séu beygjur........ minnst 2-3 ......

MfG: Jói V 

[Akstursíþróttakappinn Daníel Sigurðarson, 1.11.2007 kl. 14:39]

Sælir.

 Ég hafði samband við hópferðadeildir Icelandair og Iceland express vegna mikils áhuga um að koma út og horfa á þetta rall. Icelandair treysti sér ekki til að gefa okkur tilboð því vélarnar á þessum dagsetningum eru orðnar svo vel bókaðar. Iceland express hefur ekkert haft fyrir því að svara enn sem komið er - en kannski koma þeir með eitthvað töff útspil. Ég læt vita hér á síðunni - en þess má geta Jónsi að þú verður ekkert einmanna ef þetta gengur því mér telst til að nærri 20 manns hyggi á að koma ef flug fæst á 30.000- eða minna...

DS

 ps. hehehe - Ísak gengur undir nafninu "Ítalski folinn" meðal Flóðhestanna.. Ástæða þess er sú að ónefndur Flóðhestur hafði vistað í síma sínum númmer Ísaks sem "Ísak fulli" = með skírskotun þess efnis að um væri að ræða einkasímann hans. Svo hringir "Ísak fulli" og einn yndislegur Flóðhesturinn á verkstæðinu leit snöggt á símann og hváði: "'Ítalski folinn er að hringja" "hver er eiginlega Ítalski folinn?" 

Það hefur verið okkur ráðgáta hvernig Ísak fulli gat breyst í Ítalski folinn í augum viðkomandi  - en nafnið losnar hann ekki við!  

[Rut Jónsd (IP-tala skráð) 1.11.2007 kl. 16:40]

Frábært, rosalega gaman að fylgjast með ykkur. 

Góða skemmtun. Hlakka til að sjá myndir. 

Kv Rut Jónsd

[Akstursíþróttakappinn Daníel Sigurðarson, 2.11.2007 kl. 14:23]

:) Hæ Rut og takk fyrir sýndan áhuga :)

Við munum skemmta okkur lang best - og þú færð myndir.

DS

[Día (IP-tala skráð) 2.11.2007 kl. 19:00]

Hlakka mikið mikið til. Þið eruð auðvitað bara mestu snillingarnir. Jónsi er rallið í Aldershot? Ef svo er þá er þetta samkvæmt google vin okkar 1 klst og 36 mínútur frá Stansted.

Geri ráð fyrir því, þar sem það eru svoooo margir snillingar á leið í þessa ferð - að myndirnar verði mjöööög vel ritskoðaðar.

[Jónsi (IP-tala skráð) 2.11.2007 kl. 22:23]

Já Día mín rallið er í Aldershot sem er í næsta nágrenni við Farnborough hehe breytingin á ferðaáætluninni þ.e. að fljúga á Stansted gerir bílferðina aðeins lengri. Við verðum því væntanlega að taka bíla á leigu og taka smá "góðaksturskeppni" á staðinn humm..... 1 klst og 36 mínútur..... sá sem er lengur, eða skemur að koma sér á staðinn kaupir bjór á línuna......

yfir og út

Jón greifi