BULLDOG RALLÝ - uppgjör og nánasta framtíð

Góða kvöldið.

 

Þá erum við systkynin kominn heim eftir keppnina um helgina. Eins og þeir sem fylgdust með vita þá lærðum við um helgina hvað er stutt á milli hláturs og hágrenjandivæli...

 

Þessi keppni var í alla staði æðisleg þar til yfir lauk. Leiðarnar hentuðu grimmum aksturstíl okkar frábærlega þ.e þröngt og hlykkjótt og nær engir beinir kaflar. Þetta þýddi að nýju fínu og dýru bílarnir sem flestir keppinautar okkar óku gátu ekki stungið okkur af á beinu köflunum eins og öðrum keppnum ársins. Þetta kom okkur svo sem jafnmikið á óvart eins og keppinautunum eftir fyrstu tvær leiðarnar - því okkur fannst við s.s ekkert vera að reyna neitt ofboðslega um morgunin.

Lengi verður hægt að spekúlera hvað 2 eða 3 sæti í keppninni hefði skilað okkur og raunar Íslensku rallý í heild sinni - en það náðist ekki í þetta sinn og best að sætta sig við það strax. Því verður samt ekki neitað að undirritaður hefur aldrei á ferli sínum verið jafn svekktur út í sjálfan sig fyrir kjánalegu mistökin sem enduðu þáttöku okkar í keppninni þegar tvær skítléttar leiðir voru eftir. Það eru engar afsakanir - engin réttlæting - ekkert annað en sannleikurinn um mistökin sem gerð voru.

 

Þrátt fyrir bakslagið þá erum við með stór áform og fyrsti hlekkurinn er að ná að skrapa saman rekstrarfé fyrir síðustu umferð heimsmeistarakeppninnar í Rallý sem haldin verður í Bretlandi 30.11 - 2.12  Við eigum frátekið sæti í keppendalista rallsins vegna stiga sem við höfum safnað og væri það mikil áskorun á fá tækifæri til að takast á við þessa keppni - en þetta mun liggja fyrir síðar í vikunni.

 

Kær kveðja,

DS

 

ps. mikið óskaplega þykir okkur vænt um sýndan áhuga - athugasemdir bloggverja og stuðningi Íslendinga - hvort sem er hér á vefnum eða í daglegu lífi - alltaf fleiri og fleiri koma að máli við okkur og hvetja okkur til dáða. Þetta er ómetanlegt - TAKK.

Athugasemdir

[Himmi (IP-tala skráð) 23.10.2007 kl. 23:58]

Ég á samansafn af gömlum krónu peningum sem ég væri til í að fórna fyrir að fá auglýsingu á bílinn í næsta rall,kæmi örugglega flott út að hafa Bílapartasalan Ás ehf á honum einhverstaðar

[Akstursíþróttakappinn Daníel Sigurðarson, 24.10.2007 kl. 00:19]

Takk Himmi minn - rausnarskapur þinn verður seint ofmetinn ;)

Ég treysti á að grafíski hönnuður BPS - ÁS verði í sambandi næstu dagana.

DS

[Heimir og Halldór Jónssynir, 24.10.2007 kl. 09:59]

Hæ hæ.

Það verður gaman að fylgjast með þessu.

Það yrði auðvita GEÐVEIKT ef þið takið þátt í síðasta mótinu í heimsmeistarakeppninni..

Kveðja,Dóri.

[GK, 24.10.2007 kl. 18:09]

Magnað. Megi ykkur auðnast rekstrarfé :-)

[Birgir Þór Bragason, 25.10.2007 kl. 05:46]

„ því okkur fannst við s.s ekkert vera að reyna neitt ofboðslega um morguninn.“ Er þetta skýringin á útafakstrinum? Ég vona svo sannarlega að ykkur muni auðnast að ná í aurinn, því það er fátt skemmtilegra en góður árangur íslenskra íþróttamanna á erlendum vettvangi.

[Akstursíþróttakappinn Daníel Sigurðarson, 25.10.2007 kl. 09:56]

Sæll Biggi.

Við vorum virkilega ekki að keyra tæpt um morgunin - meira svona á 85% - engin óshitt móment og eða skandalar. Gamli breski málshátturinn "smoth is fast" sannaði sig þarna við þessar geysilega erfiðu aðstæður.

Útafaksturinn átti eiginlega aldrei að verða útafakstur - bara kolröng ákvörðun hjá mér sem ég hef haft mikinn tíma til að gráta. Hafði ekkert með of mikinn hraða að gera, hálku á veginum, eða vöntun á leiðarnótu.

EF fjárans difflockið hefði virkað þá hefðum við kannski tapað 5 sek á þessu bakki - en bakkið varð að martröð því bíllinn bakkaði ekkert og ég gat ekki læst drifunum - og hvorugt afturhjólið tók á.

Við erum samt að reyna að setja þetta fyrir aftan okkur og halda áfram tilraunum okkar á erlendri grundu. Ef guð lofar náum við einn góðan veðurdag að gera land og þjóð stolta af árangri okkar - en það er langur og torsóttur vegur þangað sýnist mér.  

 DS

[Birgir Þór Bragason, 25.10.2007 kl. 11:33]

Ég held að þú sért að misskilja mig núna Danni. Það hefur oft verið sagt að þegar menn reyna ekkert mikið í mótorsporti þá minnki einbeitingin og þá verða mistökin.

[Akstursíþróttakappinn Daníel Sigurðarson, 25.10.2007 kl. 13:29]

Já - það er töluvert til í því hjá þér Biggi. Við höfum yfirleitt keyrt í botni alveg til enda til að missa ekki einbeitingu. En þarna úti eru aðstæður þannig sérstaklega því maður hefur aldrei skoðað leiðirnar (ekki við amk) að einbeitingin er 170% allan tímann - meira að segja þegar maður er að keyra pollrólega eða á ferjuleið. Það gerist ekkert af vana eða sjálfkrafa þegar maður þekkir ekki það sem framundan er.

DS