Alþjóðarallið - Sigur Flóðhestana og Íslandsmeistaratitillinn í höfn :)

Góðan daginn kæru lesendur

 

Nú rétt í þessu var Alþjóðarallið að klárast. Ótrúleg barátta um sigurinn var alveg fram á síðasta meter rallsins þar sem úrslit réðust ekki fyrr en í lok síðustu leiðar.

 

Dagurinn fór ágætlega af stað hjá keppendum þar sem Flóðhestarnir náðu að saxa 12 sekúndur af keppinautum sínum á fyrstu leið - og gáfu þar með tóninn um að rallinu væri hvergi nærri lokið. Á næstu leið sem lá um Kaldadal féllu svo forystumennirnir Sigurður Bragi og Ísak úr leik þar sem olíulögn fór í sundur í vélarsal bíls þeirra. Í lok þeirrar leiðar skildu því aðeins 24 sekúndur að Flóðhestana frá fyrsta bíl - og fimm leiðir eftir.

 

Nú varð fjandinn laus og báðar áhafnir gáfu ALLT í það sem eftir stóð af keppninni. Á næstu leið sem er 19km löng var nákvæmlega sami aksturstími og því enn 24 sek munur. Á leið um Nesjavallaheiði náðu Flóðhestarnir að minnka forskotið niður í 17 sek og niður í 12 sek á leiðinni þar á eftir. Þrjár sekúndur í viðbót náðust á næstsíðustu leiðinni og því forysta Jóns og Borgars aðeins 9 sekúndur fyrir síðustu leið rallsins -Djúpavatn. Í sem styðstu máli tókst okkur að vinna leiðina með 16 sek og rallið um leið! Í bónus er það ljóst að Flóðhestaliðið hefur tryggt sér Íslandsmeistaratitilinn annað árið í röð!

 

Við viljum nota vettfanginn til að óska öllum keppendum til hamingju með sinn árangur og sérstaklega Jóni og Borgari sem enduðu í -öðru sæti eftir frábæran akstur alla dagana þrjá - og einnig bræðrunum Fylkir og Elvar sem enduðu í þriðja sæti sem er þeirra besti árangur frá upphafi.

 

Þeim keppendum sem ekki náðu að klára sendum við samúðarkveðju - en þessi keppni er eitt það erfiðasta sem menn og bílar geta fundið og því töluvert um afföll.

 

Starfsmenn, keppnishaldarar og keppendur allir fá enn einu sinni okkar allra bestu þakkir fyrir frábæra keppni, drengskap og dugnað. TAKK TAKK TAKK

 

Kveðja / Flóðhestarnir

Athugasemdir

[Blossi (IP-tala skráð) 18.8.2007 kl. 18:00]

Ekki að spyrja að því glæsilegur árangur og ljóst að yfirburðirnir eru algjörir miðað við það sem á hefur gengið. Til hamingju......

[kristján guðmundsson (IP-tala skráð) 18.8.2007 kl. 18:11]

Laaaaaannnnngflottttassstaaa prakkaralið landsins.

Stoltastur

Kisi frændi. 

[Svenni (IP-tala skráð) 18.8.2007 kl. 18:50]

Innilega til hamingju  áttuð sigurinn svo sannalega skilið.

[Henning (IP-tala skráð) 19.8.2007 kl. 21:43]

Innilega til hamingju með sigurinn og Íslandsmeistaratitilinn þið eruð lang flottust

Kveðja Henning

[petur s petursson (IP-tala skráð) 19.8.2007 kl. 23:01]

til hamingju.... Danni og Ásta....

ef það er einhver sigur sætari en annar...... þá hlýtur þessi að vera sá sætasti.....shit!!!!!!!! hvað þið og þá sérstaklega AÐSTOÐARLIÐIÐ ykkar  þurftuð að hafa fyrir þessum sigri....

en til hamingju aftur..... og takk fyrir lánið á bensíninu...

kveðja...

Pétur.

[Edda (IP-tala skráð) 20.8.2007 kl. 09:51]

Hjartanlega til hamingju   Lang flottust alltaf

kveðja Edda

[Björg (IP-tala skráð) 20.8.2007 kl. 11:25]

Rakst inn á þessa síðu þegar ég var að leyta að upplýsingum um flóðhesta hahaha fyndið... gaman að sjá hvað ykkur gengur vel í rallinu og til hamingju með enn einn meistaratitilinn. Knús frá mér

kveðja úr firðinum fagra

Björg

[gudni.is, 20.8.2007 kl. 11:41]

Innilega til hamingju með sigurinn og íslandsmeistaratitilinn. Þið eruð alveg æðisleg í alla staði og eruð frábærustu flóðhestar allra tíma..!!

Ég verð að viðurkenna að ég fékk það á tilfinninguna að þið munduð ekki klára þetta rall þegar þið krössuðuð á bjargið í Gufunesinu á fimmtudag þar sem ég vissi nú að fyrir var fákurinn ekki alveg upp á sitt besta og flestir vita jú að bílar keppinautanna eru mun öflugri og betri. En ykkar frábæra flóðhestaliði tókst að halda búrinu gangandi til loka og þú Danni minn sýndir hvað í þér býr við að moka draslinu áfram. Ég reikna fastlega með því að það hafi komið nokkur svona "ó-shitt" moment upp á síðasta daginn eða a.m.k. svona "vinsti-gegnum-jólatré" moment....?

gudni.is á nokkrar ágætar myndir af ykkur úr rallinu, ég kem þeim á ykkur.

Kveðja, Guðni

[Heimir og Halldór Jónssynir, 20.8.2007 kl. 15:01]

Til hamingju flóðhestar með sigurinn í rallinu og Íslandsmeistaratitilinn annað árið í röð.

Þið eruð búin að keyra best í sumar og eigið þetta sannarlega skilið..

Kveðja,Dóri

[Óskar Sól (IP-tala skráð) 21.8.2007 kl. 14:45]

Til hamingju Danni og Ásta. Betri árangur fæst varla það sem af er í íslandsmótinu til þessa þó öll stigin hafi ekki fengist. Frábær keyrsla til hamingju.

Kv Óskar Sól