Alþjóðarallið 2 dagur. Allur heimsins mótbyr í dag!

Góða kvöldið

 

Nú í kvöld lauk öðrum deginum í 28. alþjóðarallinu Rally Reykjavík. Einstaklega erfiður dagur fyrir keppendur og bíla - en eknar voru leiðir á suðurlandi. Þó nokkur afföll hafa verið í rallinu en fyrstu bílarnir hafa gengið áfallalaust að mestu.

Við Flóðhestarnir áttum erfiðasta dag fyrr og síðar en allar heimsins mótbárur hafa dunið á okkur síðustu vikuna og ekki skánaði ástandið í dag. Eftir að hafa verið með bílinn hálfkláran framan af degi þá tókst að vinna upp tíma og vorum við kominn í toppslaginn að nýju þegar ólanið bankaði uppá. Drifskaft losnaði algerlega undan bílnum og náðum við að koma því undir en fengur tímavíti á okkur vegna þess. Áfram hélt slagurinn og erum við sem stendur í 3ja sætinu um mínútu á eftir því fyrsta. Enn hefur okkur ekki tekist að finna afl í bílnum og því er gjörsamlega búið að keyra allt út úr honum til að halda í hraða. Ekki er að neita að farið sé að láta á sjá - en gripurinn hefur fengið að finna til tevatnsins vægast sagt.

 

Nú er ekkert annað eftir en að þakka þjónustuliðinu fyrir frábært starf - og vinna upp tapaðan tíma á morgun. Amk er okkur algerlega slétt sama þó við klárum ekki keppnina. Allt eða ekkert sagði kellingin og ekkert væl :)

Siggi Bragi er fyrstur og svo kemur Jón Bjarni 48 sek þar á eftir og svo Flóðhestarnir rétt á eftir þeim. Eyjó er fjórði, Fylkir er fimmti og Hilmar er sjötti.

 Á morgun er lengsti dagur rallsins og hefst keppni 6:55 í fyrramálið. Eknar verða leiðir um Tröllháls-Uxahryggi, Kaldidalur, Tröllháls, Nesjavallaheiði, Geitháls, Kleifarvatn og endað á Djúpavatni tilbaka.

 

Kveðja / Flóðhestarnir

Athugasemdir

[Mótormynd, 17.8.2007 kl. 23:53]

Cool myndir. Skógshraun?

[Jónsi (IP-tala skráð) 18.8.2007 kl. 17:00]

Til hamingju Danni, Ásta og flóðhestar allir nær og fjær.

Glæsilegur árangur eftir einhverja átakamestu keppni í seinni tíð. Titillinn tryggður með yfirburðum og blásið á lágværar raddir um getuleysi..... ég segi nú bara eins og fróður maður hér á árum áður....

"ég mííííííííííg á þig hvíti aumingi!

Kveðja Jónsi 

[Gerða (IP-tala skráð) 20.8.2007 kl. 08:43]

Já, þetta er Skógshraun.