Skagafjarðarrallið - Algjörir yfirburðir

Góða kvöldið.

 

Þá er flotinn kominn til byggða eftir stórkostlega helgi í Skagafirði - en þar fór fram fjórða umferðin í Íslandsmótinu í rallý á laugardag. Einnig var bikarmót í mótorkross haldið sama dag og sameinuðust svo keppendur og aðrir um kvöldið á heljarinnar dansleik á Mælifelli þar sem hljómsveitin Spútnik spilaði.

 

Rallið var eins og venjulega alger einstefna Flóðhestaliðsins sem gjörsigraði allar sérleiðarnar og toppaði svo frábæran árangur dagsins með því að skemmta sér langt fram á morgun með söng og dansi. Þrátt fyrir að hafa verið svipt stigum úr rallinu þá létu Flóðhestarnir sig það ekkert varða - en verðskuldaðir verðlaunahafar voru hylltir við dynjandi lófatak og viðeigandi stappi eftir ljómandi kvöldverð í boði keppnisstjórnar.

Önnur akstursíþróttafélög mættu taka sér Bifreiðaklúbb Skagafjarðar til fyrirmyndar sem virkilega var búinn að vinna heimavinnuna sína. Allir fengu frí tjaldsvæði, frítt í sund, kvöldverð og alvöru verðlaunaafhendingu, það voru gerð auglýsingaplaggöt, nægt starfsfólk og vel almennt að öllu staðið.

 

Frábært var líka að sjá hvað áhafnir voru almennt vel undirbúnar  - en það skilaði sér með algerlega tjónlausri keppni þar sem 14 af 16 áhöfnum luku keppni. Svona á þetta að vera :)

 

Bestu þakkir fyrir okkur.

 

Keiko

Athugasemdir

[Mótormynd, 23.7.2007 kl. 00:25]

Sæll... Hvað var málið með ykkur? "Svipt stigum"  ???

[Mótormynd, 23.7.2007 kl. 00:25]

...by the way: Fantaakstur á Mælifellsdal... vííííí...

[Akstursíþróttakappinn Daníel Sigurðarson, 23.7.2007 kl. 01:36]

Einhverjir keppendur og áhagendur þeirra höfðu ekki húmor fyrir þvi að við skyldum ýta bílnum síðustu 15 metra rallsins og nuðuðu í keppnisstjórn um að dæma okkur úr keppni vegna þessa "röng ræsing inn á sérleið". Vissulega vorum við á gráu svæði en staðreyndin er sú að við kláruðum allar sérleiðar rallsins - þar sem keppnin á að fara fram og talið var að væri þegjandi samkomulag um. Við höfum ávallt verið til staðar fyrir alla keppendur með hvað sem er hvenær sem er - utan sérleiðana litum við á þetta sem eina stóra fjölskyldu sem sameiginlega er að reyna að stækka og dafna sem hraðast. Nú vitum við bara hvar við stöndum gagnvart og tökum ákvarðanir í framtíðinni með tillliti til þess.

Takk - magnað hvað við náðum að keyra dalinn hratt miðað við undirbúningsleysið og ástand bílsins - enda lést hann á síðustu metrunum.

 Keiko

[Mótormynd, 23.7.2007 kl. 02:29]

Þetta er magnaður fjandi... 

Verðum í bandi...

[Heimir og Halldór Jónssynir, 23.7.2007 kl. 03:01]

Danni er ekki hægt að fá að kaupa myndir af Gerðu?.

Kveðja,Dóri

[Akstursíþróttakappinn Daníel Sigurðarson, 23.7.2007 kl. 09:03]

Góðan daginn.

Greinilegt að þreytan var orðin töluverð í gær þegar ég skrifaði ofanritað :)

 En jú Dóri - Gerða snillingur hefur verið að selja myndirnar sínar í toppgæðum. Vertu bara í sambandi við hana [e-mail] ég veit að hún á mikið magn af góðum myndum af ykkur.

Kveðja  / Keiko

[Stebbi (IP-tala skráð) 23.7.2007 kl. 13:44]

HÚMOR og grátt svæði á ekki við í þessu sambandi. því miður er það nú þannig að þú Danni ert ekki æðri en aðrir keppendur og þarft að fara eftir reglum eins og aðrir. að mér skilst var þetta allavega 1 km sem bílnum var ýtt. þið ýtuð honum ekki sjálf að mér skilst sem þið hefðuð mátt gera. rétt skal vera rétt. það bætir ekkert að reyna að fegra sjálfan sig og fara rangt með. en samt ógeðslega fúlt að lenda í þessu. gengur vonandi betur næst. kv Stebbi

[Akstursíþróttakappinn Daníel Sigurðarson, 23.7.2007 kl. 14:36]

Ertu að leggja Baldri keppnistjóra það á axlir að hafa vísvitandi sagt okkur að stíma bílnum í mark í stað þess að ýta honum - og þannig vísvitandi látið okkur brjóta reglurnar til að flýta fyrir rallinu? Vont ef rétt er - en þær ásakanir koma ekki úr mínu keppnisliði! Held ég Baldur að meiri manni en svo.

það er eflaust hægt að karpa um þetta til eilífðarnóns - en við kjósum að vinna Íslandsmótið án utanaðkomandi aðstoðar - þess vegna datt okkur ekki í hug að mótmæla úrskurði dómnefndar um "ranga ræsingu inn á sérleið". Þetta þótti okkur bara fyndið og skemmtilegt krydd - enda ljóst að margir keppinautar okkar eru að keyra langt undir getu bíðandi þess að fá verðlaun á silfurfati vegna óláns okkar. Fín taktík en alveg hrautleiðinleg til afspurnar og áhorfs.

Keiko

[gudni.is, 23.7.2007 kl. 16:15]

Þetta er nú svolítið sérstakt þetta mál allt saman og ég get ekki annað en sagt mína skoðun á því. Ég tek það samt skýrt fram að ég var ekki þarna á staðnum sjálfur, en ég er búinn að heyra margt um þetta og verð að viðurkenna að þetta vekur undrun mína.
Það að ýta rallbíl með öðrum bíl eða annari utanaðkomandi hjálp á ferjuleið er bannað og er jú eða getur verið brottrekstrarsök úr ralli. Það hafa komið upp slík mál í íslensku ralli tvisvar sinnum á þessari öld að þessu tilviki frátöldu. Fyrra skiptið var í BÍKR ralli á suðurnesjunum í júní 2000 þar sem ég undirritaður ásamt Steingrími Ingasyni "ýttum" Nissan 510-SI bílnum með rútu frá endanum á Djúpavatni sem var síðasta sérleið og inn á Essó bensínstöðina í Hafnarfirði. Við vorum lengi að þessu og sú ferjuleið í lok ralls var rétt framkvæmd af keppnisstjórn og við fórum næstum yfir á maxtíma við þetta og fengum á okkur tímarefsingu, en héldum samt eindrifssigrinum og stöðu okkar í keppninni. Eftir á að hyggja þar þá voru það mistök keppnisstjórnar að vísa okkur ekki frá keppni fyrir að gera þetta. Það urðu mikil læti og umræða eftir keppnina og ósætti þar sem Steingrímur var í mikilli baráttu við m.a. Steina Palla og Witek um eindrifstitilinn.
Svo kom upp svipað atvik í næstu keppni á eftir sem var haldin á Hólmavík þar sem Hjörleifur Hilmarsson og Páll Kári "ýttu" EVO 5 Lancernum síðustu ferjuleiðina svipað, en þeim var vísað frá keppni fyrir vikið þar sem þetta var öllum mjög ofarlega í minni að þetta mætti ekki gera.

Það sem ég sé út úr þessu svona ef að ég er að skilja allt rétt er það að Danni má jú vitanlega ekki láta ýta bílnum svona ferjuleið,, EN EN EN það virðist vera að þessi blessaða ferjuleið í Skagafjarðarrallinu hafi ekki einu sinni verið rétt uppset og löglega keyrð á tíma samkvæmt keppnisreglum, eða a.m.k. var það mjög frjálslega framkvæmt því að keppendur fengu engann uppgefinn ákveðinn marktíma til að aka þessa síðustu ferjuleið (skilst mér) heldur áttu menn bara að koma gesta-aðstoðarökumanni fyrir og svo átti að "smala" öllum saman niður í rásmark...?? Ef að rétt er að þetta hafi verið svona frekar "frjálslega" framkvæmt þessi endir á rallinu þá finnst mér svolítið hart og undarlegt ef keppnisstjórn vísar Danna og Ástu úr keppni. Og enn skrýtnara finnst mér að dæma þau út á þessum forsendum vegna "rangrar ræsingar inn á sérleið" ????? 
Mér skilst að þau hafi sjálf komið bílnum inn í tímavarðstöðina við rásmarkið og hafi svo sjálf ýtt bílnum út úr henni eftir að flaggið féll. Og búið var að tala um það á fundi með keppendum að keppninni væri lokið um leið og ræst yrði inn á þessa gestasérleið.

En nóg af þessum pælingum, það er alltaf leiðinlegt þegar svona kemur upp. Mig langar bara til að óska sigurvegurum rallsins og þeim sem lenntu í verðlaunasætunum til hamingju með sinn FRÁBÆRA árangur í þessari keppni.... Menn hljóta að vera alveg í skýjunum yfir árangrinum.

Kveðja,, gudni.is 
(Guðni Þorbjörnsson)

[Akstursíþróttakappinn Daníel Sigurðarson, 23.7.2007 kl. 16:46]

Sæll Guðni og velkominn á mótorsport senuna á ný :)

Þú mátt ekki vera svona harðbrjósta gagnvart strákunum - þeir hafa eittjvað til síns máls og kláruðu keppnina með stæl.

Við sögðum frá upphafi að við myndum una úrskurði dómnefndar - hver svo sem hann yrði eða hvaða forsendur lægju á bakvið hann - og við það stöndum við. Enginn keppinauta okkar hefur fengið kalda gusu frá okkur vegna þessa né keppnisstjórn eða dómnefnd. En eins og þú sýnir sjálfur með ofangreindu þá sýnist sitt hverjum í þessu máli en dómarinn ræður og við það situr.

Kær kveðja / Keiko

[gudni.is, 23.7.2007 kl. 21:01]

Takk fyrir það Keikó minn...

Jú rétt er það hja þér, eflaust hafa allir eitthvað fram að bera máli sínu til stuðnings í þessu rétt eins og í öðru og það er alltaf leitt þegar agreiningsmál koma upp.
Eg ætlaði nú ekkert að vera að skita út kappana sem kláruðu rallið og högnuðust á þessu leiðinda máli þínu, ég kann alveg stórvel við þá (flesta) þessa stráka og vill ekki vera með nein leiðindi. Þeir kláruðu jú rallið eins og þú segir og eiga jú sinn heiður skilinn fyrir það þó svo að mér persónulega finnist þeir sumir hverjir ralla full hægt og varlega!

Ég vill líka taka það sérstaklega fram að ég hef aldrei haft neitt nema gott og gilt um Baldur Haralds keppnisstjóra að segja og hanns fólk þarna á Krókknum. Hann er einn af þeim al-pottþéttustu mönnum sem ég hef unnið með í keppnishaldi í gegnum árin og hann á allt gott skilið. Ég nefndi það að þetta sé kannski full harkalegt gagnvart ykkur sem keppendum ef að það sé rétt (sem ég er ekki með alveg 100% á hreinu) að ekki hafi verið staðið alveg löglega að uppsetningu á lokum þessa ralls??  En ég hef líka sjálfur þurft að beygja reglur til að liðka um fyrir einhverju eins og t.d. þessari gestasérleið í lok rallsins. Hafi slíkt verið gert þá veit ég að það hefur verið gert með hagsmuni rallsins að fullu leiðarljósi.

Bottom line,,, Það er algjör staðreynd að mínu mati ef við sleppum því að rökræða framkvæmd rallsins sem slíks að þú braust reglur Danni minn með því að láta annann bíl ýta þér ferjuleiðina þó svo að ég telji að þú hafir svo ræst löglega inn á sérleiðina (miðað við hvernig öllu var lýst fyrir mér). Þetta atriði þitt á ferjuleiðinni getur því alveg réttlætt brottrekstur úr keppninni. Mér finnst bara málið í heild svolítið snúið og auðvitað bara leitt fyrir alla. En svona er þetta bara stundum, það verða aldrei allir ánægðir með niðurstöðu dómarans.

Kær kveðja,, gudni.is

[Akstursíþróttakappinn Daníel Sigurðarson, 23.7.2007 kl. 21:32]

Blessaður vertu - þú hlýtur að mega hafa þínar skoðanir og viðra þær eins og allir hinir. Þó að einhverjir gætu farið að skæla vegna þess.

Það er þetta með hvort rallið sé löglegt þegar búið er að skilja helming áhafnarinnar eftir - og taka gesti um borð í bílinn - hvort það standist! Ég er nokkuð viss um að sérstaka skriflega undanþágu þurfi að fá fyrir svona löguðu frá LÍA - en þetta má ekki samkvæmt lögum FIA. Rallinu lauk semsagt þegar aðstoðarökumönnum var gert að gefa eftir sæti sitt - ef maður á að fara í hart. Keppinautar okkar vita að við hefðum getað rifist, skammast og þrætt fram í rauðan dauðan og jafnvel haft sigur í lokin og fullt hús stiga - en persónulega fannst mér það ekki vera þess virði. Ef menn vildu fá verðlaun á tæknilegum atriðum - verði þeim að góðu.

Í fyrra unnum við Íslandsmeistaratitil með sigri í 5 af 6 röllum sumarsins. Þá komu fram á sjónarsviðið miklir spekingar sem vildu nú endilega meina að þetta grís okkar að vinna hefði nú aðallega verið því að kenna að engin hafi verið samkeppnin. Því ættum við algerlega eftir að sanna okkur sem keppnislið - og svo framvegis. Merkilegt nokk hafa þessar raddir þagnað núna - og finnst það eflaust sárt að horfa á eftir okkur í allt sumar keyrandi í allt annari deild en keppinautar okkar. Ekki er geta menn nú falið sig á bakvið að við séum á svona rosalega öflugum bíl en vissulega hafa ásakanir um svindl borist okkur til eyrna. Menn verða nú alltaf að finna einhverjar afsakanir fyrir löku gengi sinna manna.

Við stefnum á að gjörsigra allar sérleiðir sem eftir eru á Íslandsmótinu og þakka þannig fyrir ástina sem okkur hefur verið sýnd. Rallið er í frábærri sókn og vonandi heldur sú sókn áfram á næstu árum með enn meiri aukningu keppenda og glæsilegri bílaflota. Það er amk okkar fyrsta og síðasta markmið - að gera rallinu hátt undir höfði og koma þessari íþrótt djúpt inn í þjóðarsálina.

Kveðja / Keiko  

[gudni.is, 23.7.2007 kl. 23:01]

Ég held að flestir ef ekki allir sem hafa komist og verið á toppnum hafi heyrt eitthvað baknag og leiðindi í sinn garð á einhverjum tímapunkti. Hvort heldur sem um er að ræða baknag frá keppinautum eða öðrum. Ég er voðalega hræddur um að slíkt eigi alltaf eftir að þrífast í sportinu. Það voru nu ekkert fáir sem nöguðust endalaust út í JR fjölskylduna á sýnum tíma bara svo að eg nefni eitthvað.

Var ekki einhver sem nefndi það að það væri kalt á toppnum...?? 

Það er ánægjulegt að sjá það á hvað flott plan rallið virðist vera komið á nú í dag hér á landi. Áhuginn er greinilega að aukast mikið og bílaflotinn er ansi glæsilegur og er alltaf að vaxa og dafna. Einnig hefur nýliðun gengið ansi vel upp á síðkastið.

Ég held að þið Ásta verðið ekki í miklum vandræðum með að sigra allar sérleiðirnar sem eftir eru í Íslandsmótinu í ár, þ.e. ef að Lancerinn fer ekki að bila meira. Þið eruð einfaldlega að keyra á allt öðru plani en keppinautar ykkar. Ég verð samt að segja að hraði ykkar í dag kemur mér í raun ekkert á óvart, ég veit alveg hvaða aksturshraða þú hefur í þér Danni. Það sem hefur komið mér meira á óvart er hversu mikið öryggi er í akstrinum á þessum hraða og hversu fá mistök þið gerið. Ég verð að viðurkenna að ég átti von á meiri "flugeldasýningum" og útafökstrum þegar þú fórst að keyra a þessum hraða í fyrra sérstaklega (hmmmm....Ætli ég hafi sitið í bíl með þér...??? Hmmm).
Það kemur mér hinsvegar á óvart hversu mikið hægar keppinautarnir eru að aka í dag. Ég vona bara þeirra vegna að þeir séu ekki að gera sitt besta í dag því að vitað er að bílar þeirra geta farið mun hraðar og vona ég bara að menn eigi eftir að auka hraðann til að auka spennuna eða réttara sagt til að búa til einhverja spennu.

Kær kveðja að sinni - gudni.is

[Stebbi (IP-tala skráð) 23.7.2007 kl. 23:37]

"Ef menn vildu fá verðlaun á tæknilegum atriðum - verði þeim að góðu"  að láta sér detta í hug að skrifa svona. er það þeim að kenna að bíllinn þinn gat ekki klárað keppnina? svona er rallí. bara sætta sig við orðin hlut og hætta þessu væli. þú værir miklu meiri maður fyrir það. ekki standa í þessu tuði og væli útí aðra keppendur. það var dómnefnd sem dæmdi ekki aðrir keppendur er það ekki.  

[Akstursíþróttakappinn Daníel Sigurðarson, 24.7.2007 kl. 01:16]

Þú mátt nú tjá þig líka Stefán - en magnað er að þú lesir tuð og væl út úr skrifum mínum.

Er hægt að sætta sig betur við orðin hlut en við gerum? Við sögðum strax þegar við komum niður af Nöfum og allt logaði í karpi milli annara liða um þetta mál - að við myndum una dómu dómnefndar - og gerðum það án þess svo mikið að nýta okkur rétt til áfrýjunar.

Þó að menn velti fyrir sér málum á þessum vef þarft þú nú ekki skæla og taka því persónulega er það?

Hafi ég sært þig eða einhverja keppendur með orðum mínum bið ég hlutaðeigandi afsökunar - en þó efast ég stórlega um það því lið mitt í heild sinni sýndi af sér mjög stóran karakter um helgina og fölskvalaust klappaði fyrir og tók í hendurnar á keppinautum sínum sem nutu góðs af óláni okkar. Ekki veit ég annað en að allir hafi skemmt sér konunglega að rallinu loknu og eftirmálarnir því engir.

Kær kveðja / Keiko

[kiddi sprautari (IP-tala skráð) 24.7.2007 kl. 01:26]

Í dag ætla ég að vera svo lítið leiðinlegur

Ert þú byrjaður með einhvern EF pakka Danni? 

 þótt þú hefðir unnið allar leiðirnar so sorry ,þá tapaðir þú ;ekkert væl .

Komst ekki á leiðarenda .

Hinir unnu og það var bara flott hjá þeim.

Svona Rally reyndur maður eins og þú átt ekki einusinni að reyna þetta.

Ef Siggi /Ísak eða N1 hefðu reynt þetta eins og þú og komist upp með það þá værir þú ekki sáttur með það  ?

 En þið systkinin takið þetta á lokasprettinum enginn spurning .

En svona er rally það þarf að klára ALLT rallið

Ég vona að þú verðir ekki alltof fúll en þetta er bara mín skoðun

Kv Kiddi Sprautari

[Akstursíþróttakappinn Daníel Sigurðarson, 24.7.2007 kl. 08:38]

Góður :)

Njóttu dagsins esskan -

Knús / Keiko

[Maggi Þ. (IP-tala skráð) 24.7.2007 kl. 13:04]

Þegar ég var þarna við einn hlykkinn uppá nöfum (eftir að vélin í okkar ástkæra bíl dó) og sá fylkir ýta þér upp eftir fannst flestum þarna það ekkert ólöglegt í sjálfu sér. En líklegari skýring fannst mér að d´ma þig út danni fyrir ólöglega ræsingu. Vegna þess að áhöfn skal vera föst í beltunum og bíllinn gangandi fyrir eigin vélarafli, við ræsingu.

Þetta var samt sennilega betra en að sama bilun hefði komið upp í miðju alþjóðarallinu, smá spenna um titilinn skaðar engann, er það?. 

[Jónbsi (IP-tala skráð) 24.7.2007 kl. 13:57]

Spurningin í þessu er frekar hvort ekki hefði átt að láta rallið enda áður en gestakoarar eru settir í bílinn?Hvað segir í reglum varðandi gestakoara?

[Jónsi (IP-tala skráð) 24.7.2007 kl. 14:37]

"hrollur.... hrollur"

 Ég ætla að vona að þetta sé ekki eitthvað erfðabreitt samrunacreep, blanda af mér og Jóni Bjarna sem skrifar hér að ofan.

Það yrði ekki fögur sjón, lítill og ljós-rauðhærður, feitlaginn sendibílstjóri, mátulega fljótur á sérleiðum en með fallega söngrödd.

Ekki fögur lýsing það........

kv. Jónsi 

[Akstursíþróttakappinn Daníel Sigurðarson, 24.7.2007 kl. 16:55]

Sælir félagar allir - samrunnir, erfðabreyttir og ekki :)

 Eigum við ekki að segja þetta gott af umræðum um þetta rallý um helgina. Úrslit liggja fyrir og allir eru sáttir!

Það var virkilega margt gott að sjá um helgina og ber þar hæst grimmur og öruggur aksturs Óskars og Valtýs - en þeir eru jafnt og þétt að bæta í. Jón og Boggi áttu ekki sinn hraðasta dag en að mínu mati óku þeir vel núna um helgina - bestu úrslit þeirra á árinu eru staðreynd. Þessar tvær áhafnir munu eiga auðvelt með að veita okkur Sigga Braga harða samkeppni í næstu keppnum ef þær halda áfram að keyra svona öruggt og vel.

Guðmundur Snorri og Valdi ulluðu á hrakspámenn og kláruðu keppnina með bílana í lagi :)

Við óskum keppendum enn einu sinni til hamingju með sín verðlaun og hlökkum til að hitta ykkur alla galvaska í alþjóðarallinu.

Keiko

[Heimir og Halldór Jónssynir, 24.7.2007 kl. 17:12]

Tek undir með Danna þetta er orðin ágæt umræða um þetta rallý.

Núna mæta allir glaðir og grimmir í alþjóða.

[Birgir Þór Bragason, 24.7.2007 kl. 19:21]

Ég ætla nú samt að halda áfram. Ef keppnisstjórn í ralli er með allt sitt 100% á hreinu, líka hvar og hvernig rall hefst og hvenær það endar, þá verða ekki svona uppákomur. Það er til ágæt reglubók sem leiðbeinir keppnisstjórnum og reynslan sýnir að þegar farið er að reglum þá er ekki svona vesen eins og virðist vera í tveimur síðustu keppnum.

[Akstursíþróttakappinn Daníel Sigurðarson, 24.7.2007 kl. 20:41]

Ok - smá meira.

EF keppnisstjórn er með allt sitt á hreinu ....

Að engum ólöstuðum þá held ég að ekkert rall hafi verið jafn vel gert í sumar og þetta - þó að að það hafi ekki verið fullkomið. Að fá úrskurði dómnefndar hnekkt með þeim rökum að keppnisstjórn hefði ekki staðið rétt að málum var aldrei til umræðu hjá okkur. Ástæðan er ofureinföld. Við berum ómælda virðingu fyrir Bifreiðaklúbbi Skagafjarðar og forsvarsmönnum þess klúbbs og myndi ekki fyrir okkar litla líf detta í hug að hallmæla þeirri frábæru vinnu sem þau leggja á sig ár eftir ár fyrir okkar íþrótt. Að hengja þau í smáatriði eins og leyfi fyrir gestasérleiðnni hefði kannski breytt úrslitum rallsins - en það kom ekki til mála af okkar hálfu. Í augnabliks barnaskap okkar vorum við bara pínulítið hissa á þeim sem fóru að nuða út af þessu - en það var kannski dómgreindarbrestur hjá okkur. Maður átti að gera sér grein fyrir því að flestir menn í keppni nýta sér alla möguleika til sigurs.

Enginn Flóðhestur missti bros vegna þessa. Við mætum bara enn hraðari og grimmari í næstu keppnir og rúllum þessu upp!

Ég efast ekki um að BS fólk lærir líka af þessu og gerir enn betra rall á næsta ári. Sendi okkar bestu kveðjur Norður.  

Kær kveðja / Keiko

[Akstursíþróttakappinn Daníel Sigurðarson, 24.7.2007 kl. 21:25]

Og svo er komið að Gettu betur - og svara spurningum sem fram hafa verið lagðar hér:

 Stebbi (hver er Stebbi annars?) skrifaði: er það þeim að kenna að bíllinn þinn gat ekki klárað keppnina? það var dómnefnd sem dæmdi ekki aðrir keppendur er það ekki. Nei - bíllinn sá um sig sjálfur en keppendurnir einfaldlega sögðust ætla að kæra ef dómnefnd tæki ekki af skarið sjálf vegna þessa máls - og við samþykktum það að málið færi kærulaust fyrir dómnefnd rallsins - ekkert sjálfsagðara - sumir töldu sig jú misrétti beittir.

Kiddi skrifaði: Ef Siggi /Ísak eða N1 hefðu reynt þetta eins og þú og komist upp með það þá værir þú ekki sáttur með það  ? Ég er handviss um að allir í mínu liði hefðu ýtt þeim í mark og þótt þetta töff endir á góðu rally. Flestir þekkja orðið okkur nógu vel til að vita að þetta.

Maggi skrifaði: smá spenna um titilinn skaðar engann, er það? Nei - ekki aldeilis. En ég er algerlega handviss um að spennan væri enn skemmtilegri ef keppinautarnir færu að bæta aðeins í eða spennan væri tilkominn vegna baráttu á sérleiðunum.

Jónbsi (sem er hver - eða klónn hvers? :)) skrifaði: Spurningin í þessu er frekar hvort ekki hefði átt að láta rallið enda áður en gestakoarar eru settir í bílinn?Hvað segir í reglum varðandi gestakoara? Þetta stenst ekki reglur LIA að mér skilst- en það er smáatriði að okkar mati.

 

Allir sáttir ?

Kveðja / Keiko

[kiddi sprautari (IP-tala skráð) 25.7.2007 kl. 00:08]

þetta snýst um stig þetta er ekkert flókið

og svo hlítur að standa í reglum hvað má og hvað ekki