Bráðnaðir Flóðhestar og brjáluð markmið :)

Góðan daginn.  

 

 

Jæja - þá er maður kominn heim í heiðardalinn eftir viðburðaríka helgi. Þessi keppni var alveg ótrúleg vægast sagt, geysilega mikið um afföll og mikið tekið á. Aðstæður voru eins og best verður á kosið, 28 stiga hiti, sól og skraufaþurrir vegirnir. Þetta orsakaði jafna baráttu og ofboðslegan hraða - og að sama skapi mikla erfiðleika við að vinna upp mikinn mun.

Eftir að við og bíllinn komst í lag eftir að hafa lagt hann á hliðina á fyrstu leið þá sóttum við sem aldrei fyrr, tókum allt út úr bil og áhöfn og rúmlega það - og náðum aðeins að klifra upp að launum en samt ekki í takt við rembingin að manni fannst. Fyrstu þrjár leiðirnar voru einfalega of stór hluti af rallinu til að geta leyft sér þau mistök sem við gerðum - en svona er rallý.

 Við náðum öllum markmiðum okkar og vel það - kláruðum í 16 sæti yfir heildina og 8 í EVO-Challenge meistarakeppninni sem hvoru tveggja er okkar lang besti árangur í Bretlandi. Jómfrúarstigin eru kominn í pottinn - eitthvað sem sagt væri ógerlegt á fyrsta ári í þessari keppni, ekki bara vegna reynsluleysis okkar af breskum leiðum heldur í ljósi þess hvað bíllinn okkar er útdagaður miðað við keppinautana (og nærri fjórfalt ódýrari en flestir toppbílana í EVO-Challenge). En sá árangur kom ekki bara til af af grimmum akstri okkar seinni hlutann heldur einnig vegna affalla í harðri kepnninni. Við áttum erfiðan dag en komumst í gegn og kláruðum - og þar telja stigin. 

 

 Til að undirstrika það fyrir öllum þeim yndislega keppnisheitu stuðningsmönnum okkar sem vilja sjá sigur strax (eins og íslendinga er von og vísa) þá nær markmið okkar út árið 2008. Við ætlum að læra á leiðirnar og keppnirnar á þessu ári og ef guð lofar þá stendur til að mæta og keppa vonandi til sigurs á samkeppnishæfum bíl á öllu keppnistímabilinu 2008.

 

 * Það er markmið okkar að fá tækifæri til að sanna okkar meðal þeirra bestu á jafnréttisgrundvelli.

* Það er markmið okkar að klára allar keppnirnar sem eftir eru í Bretlandi 2007 og ná í sem mesta reynslu. * Það er markmið okkar að vera alltaf brosandi, áberandi í Bretlandi, landi og þjóð vonandi til sóma.  

 

 

* Það er markmið okkar að til okkar verði litið sem Íþróttamanna í toppklassa.

* Það er markmið okkar að veita öðrum frambærilegum íslenskum ökumönnum allan þann stuðning og miðla af reynslu okkar ef þeir telja sig eiga erindi á erlenda grund til keppni.

* Ef áætlanir okkar ganga eftir þá er stóra markmið okkar að Íslenskt rallý hljóti meiri almennan áhuga, fleiri keppendur og virðingu hjá almenningi og í fjölmiðlum – og að leggja allt okkar á vogarskálarnar til að gera Alþjóðarallið á Íslandi að spennandi valkost fyrir erlenda keppendur.   

 

 

Við vonum að Íslendingar gefi okkur tækifæri og þolimæði – standi við bak okkar alla leið.

 

 

 

 

 

Við erum nú þegar ólýsanlega þakklát ykkur öllum. TAKK.

 

 

 

 

Keiko

 

ps. Hér er linkur á fréttatilkynningu Ralliart UK http://www.evo-challenge.com/latestnews.html

 

Athugasemdir

[Óskar Sól (IP-tala skráð) 4.6.2007 kl. 11:45]

Glæsilegt, glæsilegt, til hamingju Danni og Ásta með frábæran árangur, að vera tæpar 7 min á eftir 1 sæti með því að velta og með bilaðan bíl á næstu leið er BARA frábær árangur. Til hamingju og Gangi ykkur vel þarna úti sem og hér heima.

kv Óskar Sól

[Boggi (IP-tala skráð) 4.6.2007 kl. 16:45]

Til hamingju með veltuna og árangurinn, en ef við notum EFin þá hefði þetta verið miklu betra, en flott samt! En næsta keppni úti er 21 júlí sama dag og Sauðárkrókur hvað gera Flóðhestar þá?

Kv Boggi

[Akstursíþróttakappinn Daníel Sigurðarson, 4.6.2007 kl. 20:21]

Sæll Boggi.

Ég læt nú aðra um EF-in. Án þeirra þá náðum við markmiðunum okkar, en þau verða bara hærri fyrir næstu keppni. Varðandi Sauðárkrók og Swansea Bay rally þá er ég að gæla við þá hugmynd að plata BS til að færa bara rallið til að við getum verið með. Þú mátt gjarnan hjálpa okkur að plögga það :) 

 Í sannleika sagt höfum við ekki tekið neinar ákvarðanir um þetta - málið er í skoðun - eins og pólitíkusarnir myndu segja.

Kveðja / Keiko

[Margrét (IP-tala skráð) 4.6.2007 kl. 21:03]

halló. Til hamingju, fylgjumst spennt með. Hvassfellingar

[Stebbi (IP-tala skráð) 5.6.2007 kl. 17:51]

færa rallið til hmmm... bara svo að einn keppandi geti mætt, er það ekki full mikil bjartsýni?

[Akstursíþróttakappinn Daníel Sigurðarson, 5.6.2007 kl. 22:50]

Sæll Stebbi.

Nei nei - það er ekkert til sem heitir full mikil bjartsýni - BS menn leggja eflaust ýmislegt á sig til að fá að njóta nærveru okkar Flóðhestanna í rallinu og á hinni sívinsælu lokasérleið og árlegum hálandaleikum - og ég vona að aðrir keppendur séu nú ekkert að setja sig upp á móti smá sérþörfum í okkur :)

 En eins og ég sagði - málið er í skoðun hjá okkur.

Kær kveðja / Keiko