Flóðhestar á fleygiferð

28.5.2007 | 15:04

Sæll er sá - sem sigrar sjálfan sig!

Góðan daginn.

Braut blað í sögunni - varð sennilega stærsta spendýr sem klifið hefur á Hvannadalshnúk í mannkynssögunni. Tæplega 16 tíma labbitúr er fín dægrastytting og meiriháttar afsökun til að geta úðað í sig öllu sem að kjafti kemst: "maður verður nú að halda í orku - ná blóðsykrinum upp" - rumdi í hestinum meðan hann af ótrúlegu harðfylgi tæmdi 15kg bakbokann sem saumarnir svitnuðu á af kræsingum eins og kaffi, kakó, kexi, súkkulaðirúsínum, flatkökum með hangiketi, brauði með túnfisksalati, orkudrykkjum og vatni. Er amk ekki í vafa um að enginn hefur náð að innbyrða jafn mikið af fóðri á jafn skömmum tíma og undirritaður.

Meira að segja ólseiga svínakjötið, bratwurstin og hamborgaranir sem biðu á grillinu (sem kokkurinn sennilega gleymdi að kveikja á - amk fékk maður tannkul af bitunum) fengu snöggan dauðdaga í gini flóðhestsins þegar niður var komið.

AHHHH - ég vann mig!