Næsta umferðin í Bresku meistarakeppninni 2. Júní

Góða kvöldið.

 Búið er að ganga frá öllum hnútum fyrir keppni okkar í 4. umferðinni í Mitsubishi EVO-Challenge meistarakeppninni í Bretlandi - en keppnin fer fram í Wales þann 2.Júní.

 

Þessi keppni er rúmlega hundrað kílómetrar á sérleiðum og á annað hundrað áhafnir eru skráðar til keppninnar.

 

Það verður Ásta sem mun lesa leiðarnóturnar í þessu ralli eins og öðrum röllum sumarsins - og verður það spennandi verkefni fyrir hana að takast á við þessa áskorun. Þessi 17 ára stelpa er gerð úr stáli og hefur meiri viljastyrk og ákveðni en flestir - hún mun eflaust leysa þetta verkefni óaðfinnanlega.

 

Fyrir okkur er að duga eða drepast - þetta verður sennilega kveðjukeppnin okkar á EVO 7 og er það nú bara fyrir okkur að klára í topp 10 og ekkert vesen, veikindi eða viftureimar.

 

Heimasíða rallsins er : http://severnvalleystages.co.uk

 

Við munum leyfa ykkur að fylgjast með eins og kostur er.

 

Kær kveðja / Keiko

Athugasemdir

[Stebbi (IP-tala skráð) 22.5.2007 kl. 15:10]

þetta verður sennilega kveðjukeppnin okkar á EVO 7.  afhverju? ertu ekki nýbúin að kaupa þennan ofur Lancer?

[Akstursíþróttakappinn Daníel Sigurðarson, 22.5.2007 kl. 21:58]

Sæll.

Bara keyra þetta í drasl og henda afganginum eftir keppnina :)   Nei - við stefnum á að uppfæra í EVO 9 í Bretlandi og kannski EVO 10 á Íslandi fyrir 2008 = Það væri svolítið flott ekki satt ?

kveðja / Keiko