2. Umferð í Íslandsmótinu í rallý - næstkomandi laugardag.

Góða kvöldið.

 

Nú styttist óðum í næstu umferð á íslandsmótinu í rallý. Ljóst er miðað við leiðarvalið að róðurinn verður verulega erfiður fyrir okkur systkynin þar sem leiðirnar eru geysilega hraðar og útheimta mikla aflþörf og endahraða úr bílunum - eitthvað sem gamli kagginn okkar hefur ekki upp á að bjóða. En við ætlum ekkert að gefa og munum sjá til þess að keppinautar okkar geta ekki leyft sér nein mistök ef þeir ætla að vera á undan okkur.

 

Miðað við geysilegu baráttuna og alla glæsilega flotann af rallýbílum sem komnir eru í keppni hérlendis þá verður enginn svikinn af því að kíkja í bíltúr og fylgjast með á laugardaginn. Það virðast allir ætla leggja allt í sölurnar og ættu því barátta og tilþrif að vera mikil. Eflaust verður hæðin efst á Tröllhálsi frábær staður til að vera á og einnig við pípuhliðíð á Uxahryggjum. Lyngdalsheiðin verður keyrð fjórum sinnum - tvisvar í hvora átt og mæli ég þar með staðsetningu laugarvatnsmegin raunar hvar sem er alveg upp í bröttubrekku fyrir ofan helli.

 

 Dagskrá og tímaáætlun verða birt hér fljótlega.

 

Kveðja / Keiko

Athugasemdir

[Mótormynd, 15.5.2007 kl. 00:51]

Sæl veriði
Hvaða stærð og lit af límmiðum má bjóða ykkur á fallega bílinn ykkar? ;)
Nánast allir litir mögulegir og stærðirnar eru sirka

60 cm x 20 cm
50 cm x 17 cm
40 cm x 15 cm
30 cm x 10 cm
20 cm x 7 cm
15 cm x 5 cm

Sendu mér svar á [e-mail]

Varðandi staðsetningu á laugardaginn þá ætlaði ég að vera við pípuhliðið á Uxahryggjum (hvað er það langt frá gatnamótunum sirka?) og í beyjunum fyrir neðan bröttubrekku / endann á langa beina kaflanum. Þú passar þig á að sýna tilþrif á þessum stöðum ;)

[Stebbi (IP-tala skráð) 15.5.2007 kl. 10:11]

Engar afsakanir  Lancer fór sko vel áfram í síðasta ralli, held samt að það verði meiri barátta núna, hinir voru of værukærir síðast en held þeir komi brjálaðir núna  hehe

[Akstursíþróttakappinn Daníel Sigurðarson, 15.5.2007 kl. 13:29]

 

Sælir.

Ég sannarlega vona að strákarnir komi grimmari en andskotinn í keppnina og keyri fullkomið rallý. Ég amk er ekki í vafa um að ef í einhverju ralli er þægilegt að vinna okkur þá er það í þessu - en höfum eitt á hreinu - við gefum ekkert baráttulaust frá okkur frekar en fyrri daginn.

Kveðja / Keiko