Það verður heitt í kolunum á Laugardag - Hraði, tilþrif og snilldarfóður

Góða kvöldið

Nú er biðin senn á enda því næstkomandi laugardag hefst Íslandsmótið í Rallý 2007 með hinum árlega fjölskyldudegi rallsins. Eknar verða 19 sérleiðir - flestar þeirra innan borgarmarka Reykjavíkur og því von á mörgum áhorfendum og miklu gamani. Undanfarinn ár hafa grillmeistarar mokað mat og drykk í viðstadda, hoppukastali og veltubílar verið til afnota = skemmtun fyrir alla fjölskylduna.  Ég mun setja inn nákvæma dagskrá hér þegar nær dregur.

 

Við skelltum okkur í smá upphitun með fréttaliði RÚV síðastliðinn fimmtudag og reyndum nýmálaðann kaggann á malbiksbrautinni í Keflavík. Þvílík snilld !! Þetta var svo gaman að helst af öllu vildi maður að Íslandsmótið væri allt keyrt á malbiki.

Fréttina um ökudaginn má finna á slóðinni: http://dagskra.ruv.is/streaming/sjonvarpid/?file=4338286/17 

Verður að segjast eins og er að hún Lovísa fréttakona á óskarsverðlaun skilið fyrir frábær svipbrigði meðan á ökuferðinni stóð!

 

Settar verða inn myndir og fréttir alla vikuna og byggð upp spenna fyrir rallið um næstu helgi

Kveðja / Keiko

Athugasemdir

[Lovísa (IP-tala skráð) 4.5.2007 kl. 23:00]

Þokkalega á ég óskarinn skilinn. Enda feikaði ég öll svipbrigðin og þau voru greinilega sannfærandi. Var ekki rassgat hrædd. Nauhauts!!!