Íslandsmótinu í Rallý þjófstartað

Góðan daginn.

 

 Nú er svo komið að komandi keppnistímabil í Rallý er á næsta leyti og nú þegar virðist allt ætla um koll að keyra - og það á netinu. Ásakanir um svindl og spádómar um úrslit hrúgast niður eftir því sem áhorfendur og keppendur flokka sig niður á sína uppáhaldsökumenn. En einhver sagði að öll umfjöllun væri af hinu góða?

 

 Ljóst er að tímabilið verður eitt það mest spennandi í áraraðir og ef brot af þeirri grimmd og ákveðni sem toppökumenn hafa látið frá sér fara stenst - þá koma tilþrif með að vera mikil og væntanlega afföll á toppnum í hverri keppni.

 

 Eitt langar mig að biðja alla keppendur um:

Ég hef lengi barist fyrir því að hugtakið "ég svindla því það svindla allir" sé þurrkað út úr rallý á íslandi. Því langar mig að biðja keppendur í rallý að taka sig til skoðunar, keppnisútbúnað sinn og farartæki og gagngrýna sína eigin útgerð. Ég get ekki skilið að nokkurn mann langi til að vinna verðlaun og láta svo standa sig að því að vera ekki samkvæmt reglum.

 

Ef við næðum einu tímabili án þess að einhverjar réttmætar/óréttmætar sögur um svindl kæmu upp þá værum við langt komnir til sólarinnar. Hvort sem einhverjir keppendur svindluðu eða ekki á fyrri íslandsmótum er ekki okkar að ræða frekar hér. En það sem við getum lært af þessu og reynslu okkar síðustu árin er að auka vald og eftirlit lögjafarvaldsins í keppnum - og fyrirbyggja þannig enn frekar að menn séu að fara í kringum reglur.

 

Ég legg til að hver áhöfn greiði t.d 2500kr hærri keppnisgjöld - peningar sem færu óskiptir til eftirlitsmanns sem væri tilnefndur í hverja keppni - hefði VALD og aðstöðu hvenær sem er eftir að bíll hefur verið skráður til keppni til að taka hann án fyrirvara og skoða ? Hugmynd ?

Megi besta ÁHÖFNIN vinna :)   

 

Keiko

 

Athugasemdir

[GK, 23.4.2007 kl. 23:41]

Góð hugmynd.

Hættum svo þessum leiðindum.

[Keiko (IP-tala skráð) 24.4.2007 kl. 02:02]

sæll félagi. 

Sammála þér fullkomlega - það er sorglegt að þurfa að byrja keppnistímabilið með allt upp í loft meðal keppenda - eins og útlitið er fyrir hérlendis. Það tekur algerlega gleðina úr íþróttinni að allt þetta rifrildi - sama hversu rétt eða rangt málsaðilar hafa fyrir sér þá skaðar svona umræða og það er leitt.

Tillaga mín hér að ofan er eingöngu sett fram því mér finnst þetta góð leið til að keppendur þurfi ekki að vera sjálfir í rannsóknum á ásökunum á keppninauta sína. Allir eiga að keppa við sama borð og sáttir við samkeppnina - sama hvort þeir vinna eða tapa. Ég amk treysti því að ég og keppinautar mínar munum keppa í allt sumar innan reglurammans eins og verið hefur hingað til - en eftirlit mætti sannarlega vera sýnilegra - því er tillagan mín svona.

 Kveðja / Keiko

[Birgir Þór Bragason, 24.4.2007 kl. 08:51]

Á sínum tíma skoraði Diego Armando Maradona mark með skalla. Hann viðurkenndi síðar að hönd guðs hefði komið við sögu. Það verður ekki rannsakað og úrslitum ekki breytt. Menn verða að átti sig á því að í íþróttum getur allt komið fyrir. Þetta er ekki áfellisdómur né staðhæfing á því að einhver hafi ekki farið að reglum á liðnum árum. Vonandi verðu það ekki á þessu ári, en það er rétt að minna á að eftirlitið er að miklu leiti í höndum keppenda. Þeir hafa leiðir til þess að fá úr því skorið hvort aðrir hafi farið að reglum.