Flóðhestar á fleygiferð

13.3.2007 | 11:40

Enn meira.

Góðan daginn.

Okkur hefur verið boðin þátttaka í meistarakeppni MITSUBISHI í bretlandi. Þetta er keppni sem samanstendur af 8 röllum á árinu - 6 þeirra á möl og 2 á malbiki. Það eru ótrúleg verðlaun í boði í þessari keppni - öll röllun eru með peningaverðlaun fyrir fyrstu 5 sætin og sú áhöfn sem sigrar heildarkeppnina fær heilt ár í vinnu hjá Mitsubishi við að keppa í bresku meistarakeppninni, á nýjum bíl með verksmiðjustuðning og mjög vegleg peningaverðlaun að auki.

Það eitt að fá þetta boð er mikil viðurkenning að mati undirritaðs - í dag eru á þriðja tug áhafna í þessari keppni og allir eru á nýjustu gerð af Mitsubishi. Þetta þýðir að bíllinn okkar er ekki beint samkeppnishæfur við hina en stefnan er að gera sitt besta. Við höfum amk ákveðið að taka þátt í næstu 2 keppnum í mótaröðinni, rallið í skotlandi eftir 10 daga og svo 180 malbiksrall á eyjunni Mön í byrjun maí.

Nú er bara að vona að bretarnir hafi rétt fyrir sér þegar þeir segjast sjá eitthver ökumannsefni í íslendingunum

www.evo-challenge.com

Meira síðar.

Keiko

Flokkur: Bloggar | Breytt s.d. kl. 11:42 | Facebook

Athugasemdir

Þetta er frábært. Til hamingju! Hvað er þá langt í WRC?

Mótormynd, 13.3.2007 kl. 13:19

Jamm - ég er svakalega ánægður. Ég amk er að klóra innan úr buddunni fyrir þessum tveimur næstu umferðum - sjáum hvað það skilar sér í árangri.

Skemmtilegast væri að ná samningi um að keppa allt tímabilð á EVO7, læra leiðirnar og ná sér í reynslu - mæta svo á nýjum bíl fyrir 2008 tímabilið og keppa til sigurs í meistarakeppninni - þetta er allt spurning um fjármagn og tíma. Ekki má svo gleyma íslandsmótinu í ralli sem stefnan er á að taka fullan þátt í.

WRC - ég get amk upplýst að það er einn draumur minn að keppa í umferð í WRC á ævinni, , , ætli maður verði ekki að láta þann draum rætast líka við tækifæri!

Kveðja / Keiko

Flóðhesturinn (IP-tala skráð) 13.3.2007 kl. 13:52