Frítt inn - fjörug dagskrá - langar að benda á eitt sem er ókeypis og sálarauðgandi :)

Sportdagurinn 11. október 2008

Opið hús – allir velkomnir!

Dagskrá:

9.10 Bodypump (Svanborg)

10.00 Fit Pilates (Hildur)

10.10 VIDEO Spinning (Danni og Valdís) – diskókúla, tónlistarmyndbönd á skjávarpa og brjálað stuð

11.10 Pallaveisla ásamt erlendum leynigesti (Anna Karen og Valdís)

- Batuka og Fit Box

12.15 Yoga fyrir byrjendur (Sólveig)

12.30  Jump Fit (Rakel og Saló)

 Dagskrá lýkur kl 13.30  

Salóme Guðmundsdóttir

sölu- og markaðsfulltrúi

gsm: 771 4014

[e-mail]

www.sporthusid.is

Fréttaþurrð og aumar afsakanir !

Góðan daginn ágætu lesendur.

Eftir að íslandsmótinu í rallý lauk nú nýverið þá hefur lítið ekkert verið ritað hér á vefinn og er það vont - en við að sjálfsögðu óskum íslandsmeisturunum til hamingju með titlana sína :) 

Til stóð að keppa í Bulldog rallinu sem fer fram núna 18.10 - en því miður verðum við að sleppa þeirri keppni.

En við systkynin erum hvergi nærri af baki dottin og eru átta vikur í þátttöku okkar í heimsmeistarakeppninni í Rallý. Eins og almenningur hefur ekki farið varhluta af þá er ástandið hér heima ekki beisið í augnablikinu - en við stefnum á að vera ljós í myrkrinu, stoltir fánaberar Íslands á erlendri grundu og vonandi verðugir kandídatar fyrir hönd þjóðarinnar í þessari keppni.

Það er skýrt að við munum mæta vel undirbúinn á allan hátt. Þetta verður hámark ferils okkar og það verður ekkert slegið til að vera klár í slaginn.

Það eru tugir íslendinga sem ætla að fylgja okkur út og hvetja okkur áfram í skógunum í Wales þarna í byrjun desember - ómetanlegur hvati að vita af þessu fólki sem er svona fórnfúst og áhugasamt.

 Það verða einhverjar fréttir settar hér inn á næstu vikum, enn eru óbirtar töluvert að myndum og myndböndum frá keppnum ársins og alltaf bætist eitthvað við.

 Kær kveðja / Danni & Ásta

Bráðabirgðaúrslit úr Haustrallinu - Pétur og Heimir vinna / Siggi og Ísak Íslandsmeistarar

Hæ.

Svo virðist sem Jon og Borgar hafi dottið út á fyrstu leið með bilaða drifrás.

Doddi komst af stað á Mözdu.... en ekki mikið lengra en það.

Fylkir datt út, Steini Palli datt út, Júlli á súkku og Jón bras á opel kláruðu ekki heldur - né simmi á pajero.

Þetta þýðir mikil afföll og úrslitin að öllum líkinudum svona:

Nýliðarnir Pétur og Heimir rústa þessari keppni með 40 sek betri tíma en Sigurður og Ísak - sem þó standa uppi sem Íslandsmeistarar 2008. Taktík þeirra í sumar skilar þessum titli en þeir hafa alls ekki verið hraðasta áhöfn sumarsins. Páll og Aðalsteinn ættu að hafa þriðja sætið í keppninni nokkuð örugglega - en það er óstaðfest eins og annað í þessari grein. ´

Nánar verður sagt frá þegar staðfest úrslit liggja fyrir á eftir.

DS

Millitímar af fyrstu leið í lokaumferð Íslandsmótsins í rallý

Á gatnamótum djúpavatns, Ísólfsskála hafnarfjarðarmegin er staðan svona:

 

Jón og Borgar

Sigurður og Ísak +1sek

Pétur og Heimir +5sek

Jafnara verður það ekki :)

Íslandsmótið í Rallý um helgina - það verður hörkuslagur í lokaumferðinni og nýr meistari krýndur!

Góðan daginn.

 Til að byrja með er rétt að óska Ísak+Rut+Sóldísi til hamingju með strákinn sem fæddist í gær - enn einn framtíðar akstursíþróttamaðurinn kominn í heiminn :)

Nú um helgina fer fram sjötta og síðasta umferðin í Íslandsmótinu í Rally. Það er haustrall BIKR sem fer fram í nágreni Reykjavikur og er mikil hefð fyrir mikilli bleytu og rigningu í þessari keppni.

Það eru þrjár áhafnir sem geta náð Íslandsmeistaratitlinum og er því ljóst að bitist verður um hverja sekúndu í keppninni. Rallið er með sérstöku sniði þ.e sérleiðirnar eru aðeins þrjár og allar mjög langar. Þetta kallar á mikið úthald áhafna og bíla og líklegt að stærsti áhrifavaldurinn verði hverjir komist klakklaust alla leið.

Rásröð í keppninni er þessi:

Driver Ökumaður	Nat Þj	Co-driver Aðstoðarökumaður	Nat Þj	Nd	Grp G	Car Bifreið
1	3	Sigurður Bragi Guðmundsson	IS	Ísak Guðjónsson	IS		N	MMC Lancer Evo 7
2	7	Pétur S. Pétursson	IS	Heimir Jónsson	IS		N	MMC Lancer Evo 6
3	2	Jón Bjarni Hrólfsson	IS	Borgar Ólafsson	IS		N	MMC Lancer Evo 7
4	6	Fylkir A. Jónsson	IS	Elvar Jónsson	IS		N	Subaru Impreza STI
5	20	Páll Harðarson	IS	Aðalsteinn Símonarson	IS		N	Subaru Impreza STI
6	63	Ragnar Einarsson	IS	Steinar Sturluson	IS		N	Audi Quattro
7	64	Þorsteinn Páll Sverrisson	IS	Ragnar Sverrisson	IS		N	Subaru Impreza 22B
8	65	Garðar Þór Hilmarsson	IS	Jón Baldvin Jónsson	IS		N	Subaru Sticeland
9	5	Hilmar B. Þráinsson	IS	Kristinn V. Sveinsson	IS		J12	Jeep Cherokee
10	10	Sigurður Óli Gunnarsson	IS	Elsa Kristín Sigurðardóttir	IS		N	Toyota Celica GT4
11	12	Þórður Bragason	IS	Jón Sigurðsson	IS		X	Mazda 323 Trend
12	15	Sigmundur V. Guðnason	IS	Úlfar Eysteinsson	IS		J12	MMC Pajero Sport
13	11	Jóhannes V. Gunnarsson	IS	Björgvin Benediktsson	IS		J12	Tomcat
14	67	Guðmundur S. Sigurðsson	IS	Guðleif Ósk Árnadóttir	IS		J12	MMC Pajero
15	28	Kjartan M. Kjartansson	IS	Ólafur Þór Ólafsson	IS		1600	Toyota Corolla
16	23	Henning Ólafsson	IS	Gylfi Guðmundsson	IS		1600	Toyota Corolla
17	29	Ólafur Ingi Ólafsson	IS	Sigurður R. Guðmundsson	IS		1600	Toyota Corolla
18	40	Magnús Þórðarson	IS	Bragi Þórðarson	IS		1600	Toyota Corolla
19	53	Júlíus Ævarsson	IS	Guðni Freyr Ómarsson	IS		1600	Suzuki Swift
20	66	Jón V. Gestsson	IS	Birgir Kristjánsson	IS		2000	Opel Corsa

Myndbönd innan úr bílnum okkar í Plains rallinu.

Góðan daginn.

 

Hér eru kominn nokkur myndbönd innan úr Ford Fiesta keppnisbílnum okkar sem ók til sigurs í N3 flokk Plains rallsins sem haldið var í Wales um síðustu helgi. Njótið vel:

Leið 5

Leið 6

Leið 7

 

Óvæntur flokkasigur í Bretlandi um helgina - endalaust gaman.

Góðan daginn.

Eins og lesendur hafa tekið eftir þá skrapp ég út um helgina, leigði mér rallýbíl og aðstoðarökumann (fúlu ellingsen gaurar gátu ekki séð af Ástu) og keppti í Plains rallinu í Wales. Þetta er keppni sem er hluti af BRTDA mótaröðinni - en það er firnasterk röð sem ávallt laðar að sér mikið af WRC bílum og öflugum keppendum. Rallið var 188mílur þar af 45mílur á sérleiðum.

Fyrir kepppnina vissi ég að þetta yrði verðugt verkefni fyrir margar sakir: Þetta var í fyrsta sinn í mörg mörg ár sem ég keyri framhjóladrifsbíl í keppni, aldrei hitt þennan kóara fyrr en á laugardagsmorgun, aldrei séð myndband af leiðunum sem átti að keyra né unnið við leiðarnóturnar og það allra versta var þó að stýrið var öfugum megin í bílnum..

Þegar við Mark hittumst sagði ég strax: Ef við komumst í gegnum fyrstu leiðina í rallinu, þá klárum við keppnina. Við tókumst í  hendur og lögðum af stað. Á fyrstu metrunum þá kom hann mjög seint með tvær leiðarnótur (hröð vinstri í hægri mjög krappa) og ég mátti nota alla mína krafta til að kasta bílnum og ná beygjunni - svo mikið að vinstri hlið bílsins gapti framm af klettasyllunni og Mark greyjið sá bara niður í dalinn... Allt reddaðist þetta og ég gargaði á hann að flýta nótunum. Þá var komið í hraða vinstri yfir hæð og innan í beygjunni var 60cm hár bakki. Ég sá þetta allt saman, tók línuna og keyrði beint á bakkann með þeim afleiðingum að bíllinn flaug upp vinstra megin og keyrði 15-20m á tveimur hjólum áður en hann kom aftur niður (ég greinilega ekki alveg með breidd bílsins á hreinu enþá). Þá stundi í Mark "what have I got myself into" - enda aðeins ca kílómeter búinn að rallinu og við bara búnir að vera tæpir.

Allt reddaðist þetta og eftir að vökvastýrið í bílnum gafst upp á leið 3 - þá var annað hvort að hætta keppni eða berjast allan daginn við ofurþungt stýrið.. Þetta er meira en að segja það, sérstaklega í þessum þröngu skógum með hundrað U-beygjum. En áfram börðumst við og kláruðum rallið öllum á óvörum í fyrsta sæti N3 - en það er flokkur óbreyttra bíla að 2000cc. 

Sem fyrr voru Bretarnir ekkert himinlifandi með útflutningin á verðlaunagripunum en hvað um það - þeir verða bara að vanda sig meira næst og bera meiri virðingu fyrir víkingunum.

Ég tók upp seinni hluta rallsins innan í bílnum og mun ég vonandi fá Gerðu til að hlaða því niður fyrir mig í kvöld og setja hér inn. 

Kærar þakkir fyrir allar hamingjuóskirnar - þið eruð mitt bensín í öllu þessu :)

DS

Danni vinnur N3 flokkinn í Plains rallinu

Danni ásamt Mark Ammonds voru að ljúka keppni í Plains rallinu í Bretlandi.

alls voru keyrðar átta sérleiðir. þeir luku þeim á tímanum 51:55 meðan næsti bíll á eftir keyrði á tímanum 52:12 og þei unnu því með 17 sek forustu.

ég heyrði í honum þegar hann var ný búinn og var ennþá að bíða eftir að hinir kláruðu keppni. fyrir seinustu leið höfðu þeir 20 sek forustu en seinasta leiðin gekk eithvað brösulega, líklega vegna þess að stýrismaskínan var ekki upp á 10. en þeir kláruðu í verðlaunasæti og er ekki annað hægt að segja heldur að  xxxxxxxxxx SNILLD.. nú þarf hann Danni minn barað læra keyra aftur vinstramegin í bílnum:)

ég óska honum til hamingju með frábæran árangur og trúi ekki öðru en þeir hafi skemmt sér konunglega!

knús

Ásta

Danni á hægrihandar Fíestu með 7 sek forustu

yfir flóðhestur Daníel kíkti til bretlands nú í gær og er rétt í þessu að keppa í plains rallinu í Bretlandi ásamt breskum aðstoðarökumanni.

eins og sumir vita er þó evo 9an enn hér á Íslandi og ítilefni af því þá fékk Daníel leigða ford fiestu sem hann er að keppa á núna. hún er með hægrihandarstýri og pínulítil.

Daníel leiðir flokkinn núna í hádegishléiinu með 7 sekúndum en hefur þurft að keyra síðustu tvær leiðar vökvastýrislaust og er verið að reynað halda vökvanum á stýrismaskínunni en lítið hægt að laga þetta þannig að hann þarf aðkeyra restina svona. hann er þó eldhress:)

ég fæ vonandi að heyra í honum um leið og rallið klárast!

þangað til : brake a leg!

Ásta

Hið frábæra skógshraun - Rallý reykjavik 2008

Góða kvöldið.

 Til að byrja með er rétt að biðjast afsökunar á litlum fréttum hér undanfarið - en gríðarlegar annir hafa sett strik í reikningin með að leggjast í ritstörfin.

Það er ekki það með sagt að ekkert fréttnæmt sé að gerast í akstursíþróttaheiminum - en forgangsröðunin þarf víst að vera þessi.

 Við flóðhestar eigum okkar næstu keppni í Bretlandi þann 18.10 en þá er lokaumferðin í evo-challenge meistarakeppninni. Við ætlum okkur að fylgja eftir sigrinum í mid wales rallinu fyrr í sumar og kemur ekkert annað til greina en slagur á toppnum.

Uppgjör alþjóðarallsins hefur ekki enn verið skrifað  - en nóg er til af efni. Keppendur íslandsmótsins í rallý eru á fullu að undirbúa lokaumferðina þar sem staðan á mótinu er galopinn og allir verða að keyra til sigurs. Við munum fylgjast vel með þessum slag hér á vefnum.

 Læt hér fljóta með innan úr bílnum okkar ástu á leið um Skógshraun í alþjóðarallinu. Þrátt fyrir ofurvarfærnislegan akstur okkar yfir þessa leið náðum við að gata afturdrif, sprengja 3dekk, eyðileggja hlífðarpönnu og fleira.. Takið sérstaklega eftir um miðbik myndbandsins þegar við krækjum í ósýnilega nibbu af stein sem var á stærð við örbylgjuofn þegar hann dróst uppúr jörðinni - bíllinn tekst á loft.

 

Vonandi gefst tími til að skrifa meira síðar í vikunni.

 

DS